Губка Боб Квадратныя Штаны

Губка Боб Квадратныя Штаны
Тып	animated television series[d]
Жанр	анімацыйны сіткам[d], камедыйны тэлесерыял[d], фэнтэзійны тэлесерыял[d], прыгодніцкі тэлесерыял[d] і навуковая фантастыка на тэлебачанні[d]
Прадзюсар	Стывен Хіленберг[d] Пол Цібіт[d] Вінцэнт Уолер[d]
Стваральнік	Стывен Хіленберг[d]
Сцэнарыст	Стывен Хіленберг[d] Пол Цібіт[d] Mr. Lawrence[d] Dani Michaeli[d] Luke Brookshier[d] Tim Hill[d] Вінцэнт Уолер[d] C. H. Greenblatt[d] Derek Iversen[d] Kazimieras G. Prapuolenis[d] Kyle McCulloch[d]
Ролі агучвалі	Tom Kenny[d], Rodger Bumpass[d], Біл Фагербакі[d], Клэнсі Браўн[d], Mr. Lawrence[d], Джыл Тэлі[d], Carolyn Lawrence[d], Mary Jo Catlett[d], Lori Alan[d], Carlos Alazraqui[d], Dee Bradley Baker[d], Sirena Irwin[d], Bob Joles[d], Mark Fite[d] і Томас Фрэнсіс Уілсан
Кампазітар	The Blue Hawaiians[d]
Студыя	Nickelodeon Animation Studio[d]
Краіна	ЗША
Тэлеканал	Nickelodeon
IMDb	ID 0206512
spongebob.com

«Губка Боб Квадратныя Штаны» (англ.: «SpongeBob SquarePants») — культавы амерыканскі мультсерыял вытворчасці тэлеканала Nickelodeon, які выйшаў у эфір летам 1999 года і стаў адным з самых папулярных анімацыйных тэлевізійных праграм, а таксама фактычна «тварам» канала «Nickelodeon». За час існавання Губка Боб набыў рэпутацыю серыяла з добрым, адначасова дурным гумарам, нечаканым сюжэтам і арыгінальнымі сцэнамі. Гэта самы вялікі паводле колькасці серый анімацыйны серыял тэлеканала «Nickelodeon» — станам на 2024 год мае 13 поўных сезонаў, ідзе 14 сезон.

Сюжэт

Дзеянні мультфільма разгортваюцца на дне Ціхага акіяна ў невялікім выдуманым мястэчку пад назвай Бікіні-Ботам, галоўнымі дзеючымі асобамі з’яўляюцца антрапаморфныя прадстаўнікі марской фаўны: губка, марская зорка, кальмар, краб, планктон, слімак, кашалот, рыба-вожык, вавёрка і суперкамп’ютар. Падводная тэматыка была апрацавана стваральнікам серыяла, Стывенам Хіленбергам, які, перш чым стаць аніматарам, доўгі час прапрацаваў марскім біёлагам.

Бікіні-Ботам — месца разгортвання дзей мультсерыяла.

Персанажы

Мультсерыял развіваецца вакол галоўнага героя Губкі Боба Квадратных Штаноў — энергічнай і аптымістычнай жоўтай марской губкі, што жыве ў пагружаным у ваду ананасе. Губка Боб мае дзіцячы энтузіязм да жыцця, які пераносіць на сваю працу шэф-кухара ў рэстаране хуткага харчавання «Красці Краб». Адна з галоўных яго мэт — атрымаць вадзіцельскае пасведчанне ў школе кіравання катарамі місіс Паф, але яму гэта ніколі не ўдаецца. Яго інтарэсы — лоўля медуз, падобная да лоўлі матылькоў, і пусканне мыльных бурбалак розных формаў. У яго ёсць дамашні марскі слімак па мянушцы Гэры, які мяўкае як кот.

За два дамы ад Губкі Боба, пад каменем, жыве яго найлепшы сябар Патрык Стар, дурнаватая, але даволі прыязная ружовая марская зорка. Нягледзячы на свае псіхічныя адхіленні, Патрык лічыць сябе разумным. Сквідвард Тэнтаклс, сусед Губкі Боба і яго калега па працы ў рэстаране «Красці Краб» — пагардлівы, нястрыманы васьміног, які жыве ў доме ў выглядзе Мааі. Ён любіць іграць на кларнеце і маляваць аўтапартрэты, але ненавідзіць сваю працу касіра. Ён таксама не любіць жыць паміж Губкай Бобам і Патрыкам з прычыны іх дурнога характару. Уладальнік «Красці Краб» — прагны чырвоны краб Юджын Крабс, што размаўляе як матрос і кіруе сваім рэстаранам, адзінокі бацька з дачкой-падлеткам, шэрым кашалотам Пэрл, якой хоча завяшчаць сваё багацце. Пэрл не хоча працягваць сямейны бізнес і бавіць час слухаючы музыку або працуючы ў мясцовым гандлёвым цэнтры. Сяброўка Губкі Боба — Сэндзі Чыкс, вавёрка, якая прыехала з Тэхаса, яна носіць напоўнены паветрам скафандр, каб дыхаць пад вадой. Жыве на дрэве з празрыстым шкляным купалам, эксперт у каратэ, а таксама вучоная.