Губіна (Лепельскі раён)

Вёска Губіна Краіна Беларусь Вобласць Віцебская Раён Лепельскі Сельсавет Каменскі Каардынаты 55°02′25″ пн. ш. 28°56′54″ у. д. Насельніцтва 157 чалавек (2010) Часавы пояс UTC+3 Тэлефонны код +375 2132 Паштовыя індэксы 211199 Аўтамабільны код 2 СААТА 2227817031 Губіна на карце Беларусі ±

Губіна на Вікісховішчы

Гу́біна (трансліт.: Hubina, руск.: Губино) — вёска ў Лепельскім раёне Віцебскай вобласці. Уваходзіць у склад Каменскага сельсавета.

Губіна — даўняе мястэчка гістарычнай Полаччыны.

Гісторыя

Касцёл і кляштар францысканцаў

Згадваецца ў 1669 годзе ў складзе Полацкага ваяводства ВКЛ. Губін здаўна знаходзіўся ва ўладанні роду Пакашаў, тут пэўны час размяшчалася іхняя рэзідэнцыя. У 1714 годзе полацкі стольнік Ян Пакаш збудаваў у Губіне касцёл Святога Антонія, пры якім дзейнічаў кляштар францысканцаў. Пазней у якасці пасагу мясцовасць перайшла да роду Сяляваў.

У выніку другога падзелу Рэчы Паспалітай (1793) Губіна апынулася ў складзе Расійскай імперыі, у Лепельскім павеце Віцебскай губерні. У 1834 годзе тут збудавалі грэка-каталіцкую царкву Святога Мікалая. У 1861 годзе ўладальнік мястэчка Юзаф Сялява памёр бяздзетным і пакінуў маёмасць сваёй жонцы Валерыі з Шырынаў.

У 1876—1914 гг. у маёнтку Губіна дзейнічала кардонна-папяровая фабрыка. У 1910 годзе мела паравую машыну магутнасцю 200 к.с., вырабіла кардону і паперы на 38 тыс. рублёў. На фабрыцы працавала 50 рабочых.

У пачатку XX ст. у Губіне быў адзін ксёндз. Тутэйшая парафія ўключала некалькі скасаваных (Чашнікі, Кублічы, Бела-Камень) і налічвала 1815 вернікаў. У касцёле было 3 алтары, галоўны з якіх у імя Дзевы Марыі, звяртаў на сябе ўвагу бочны алтар Найсвяцейшай Дзевы Марыі Вострабрамскай. Пры плябаніі існавала бібліятэка і багаты архіў айцоў францысканцаў.

Насельніцтва

• 2010 год — 157 чалавек
• 1999 год — 221 чалавек

Турыстычная інфармацыя

Рэшткі касцёла з боку дарогі

Касцёл Святога Антонія

Славутасці

• Рэшткі касцёла Святога Антонія (1714) —  Гісторыка-культурная каштоўнасць Беларусі, шыфр 213Г000501

Страчаная спадчына

• Касцёл Святога Антонія і кляштар францысканцаў (XVIII ст.)
• Царква Святога Мікалая (1895)

Літаратура

• Святы Казімір у Паазер’і: 400 гадоў каталіцызма ў Лепельскім краі. — Лепель: Выдавецкая ініцыятыва LEPLE, 2004.
• Hubin (6) // Słownik geograficzny Królestwa Polskiego i innych krajów słowiańskich. Tom III: Haag — Kępy (польск.). — Warszawa, 1882. S. 197.

Спасылкі

• На Вікісховішчы ёсць медыяфайлы па тэме Губіна (Лепельскі раён)
• Губіна (Лепельскі раён) на сайце Глобус Беларусі (руск.)