Гугаберт (граф палаца)

Гугаберт
Нараджэнне	VII стагоддзе
Смерць	697
Жонка	Irmina of Oeren[d]
Дзеці	Плектруда, Рэгінтруда[d], Adela[d], Bertrada of Prüm[d] і Chrodelinde[d]

Гугаберт (Хугаберт, Гугабер; фр.: Hugobert; каля 645 — каля 698) — сенешаль караля Франкскай дзяржавы Хлодвіга IV (у 693 годзе), пфальцграф караля Хільдэберта III (з 697 года да смерці). Абодва гэтыя каралі былі стаўленікамі магутнага маярдома Піпіна Герыстальскага.

Паходжанне

Асноўны артыкул: Гугаберціды

Высновы, зробленыя сучаснымі французскімі гісторыкамі на падставе анамастыкі, дазваляюць выказаць здагадку, што бацькі Гугаберта насілі імёны Альберых і Адэль. Яго сёстрамі былі Берэсвінта — жонка з 662 года герцага Эльзаса Этыха Адальрыха і Хімнехільда — жонка караля Сігіберта III. Альберых мог быць сынам Хуга, маярдома Аўстразіі ў 617—623 гадах. Што да Адэлі, то як маці Берэсвінты яна з’яўлялася сястрой Святога Легера (забіты ў 677 годзе).

Жонка і дзеці

Яго жонкай, верагодна, была Ірміна д’Эран (памерла раней 710) ці яе сястра. Іх нашчадкі называліся Гугаберцідамі.

Гугаберт быў бацькам жонкі Піпіна Герыстальскага, каралевы Плектруды.

Акрамя таго, як верагодны муж Ірміны д’Эран, ён з’яўляўся бацькам:

• Адэлі (каля 660—каля 735) — жонка Ода, маці Альберыка (Alberic) і Герлінды — жонкі Альберта Эльзаскага
• Рэгінтруды — жонка герцага Баварыі Тэўдэберта і маці герцага Хугберта
• Бертрады Прумскай

Таксама Гугаберт, меркавана, з’яўляецца бацькам яшчэ дваіх дзяцей:

• Раланда (Храдаланда) — жонкі Бернье і маці Цьеры, магчымага, продка Гільемідаў
• Святога Губерта.

Літаратура

• Settipani C. Les ancêtres de Charlemagne. — Société atlantique d’impression, 1989. — 172 p. — ISBN 2-906483-28-1