Гусіная цыбуля пакрывальцавая

Гусіная цыбуля пакрывальцавая
Гусіная цыбуля пакрывальцавая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Лілеякветныя Сямейства:  Лілейныя Падсямейства:  Лілейныя Род:  Гусіная цыбуля Від:  Гусіная цыбуля пакрывальцавая
Міжнародная навуковая назва
Gagea spathacea (Hayne) Salisb., 1906
Сістэматыка на Віківідах Выявы на Вікісховішчы NCBI   173655 EOL   1088768 IPNI   535661-1 TPL   kew-307429

Гусіная цыбуля пакрывальцавая, Гусіная цыбуля з пакрывалам (Gagea spathacea) — травяністая расліна сямейства лілейных.

Апісанне

Эфемероідная цыбульная расліна вышынёй 6-20 см. Цыбуліны дзве, адна з іх буйная. Два прыкаранёвыя лісты дудкаватыя, вузкалінейныя, значна вышэйшыя за сцябло. Падсуквеццевы ліст прадаўгавата-ланцэтны, уверсе звужаны і сцягнуты ў каўпачок, прыблізна роўны суквеццю. Кветкі лімонна-жоўтыя, сабраны па 2-4 у парасонападобнае суквецце. Звонку долі калякветніка зеленаватыя. Плод — каробачка.

Арэал

Рэліктавы субатлантычны паўночнаеўрапейскі від. Пашырэнне: Скандынавія, Сярэдняя і Атлантычная Еўропа, заходнія раёны Украіны, Калінінградскай вобласці Расіі, Літва і Латвія; на Беларусі — у ізаляваным лакалітэце за паўднёва-ўсходняй мяжой арэала (Мазырскі і Гомельскі раёны). Месцы росту — цяністыя чорнаальховыя і грабава-чорнаальховыя лясы, хмызнякі. Расце невялікімі групамі.

Размнажэнне

Цвіце ў красавіку—маі. Размнажаецца вегетатыўна і насеннем.

Спасылкі

• Гусиный лук покрывальцевый: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Гэты від занесены ў Чырвоную кнігу Беларусі і ахоўваецца законам.  I катэгорыя (CR)