Гімназія імя Яна Неруды

З пляцоўкі Вікіпедыя
Jump to navigation Jump to search
Гімназія імя Яна Неруды
Gymnázium Jana Nerudy, od Nebovidské.jpg
Заснавана 6 чэрвеня 1865
Тып гімназія
Адрас Прага, вуліца Геліхава 457/3
Сайт gjn.cz
Commons-logo.svg Выявы па тэме на Вікісховішчы

Гімназія імя Яна Неруды (чэшск.: Gymnázium Jana Nerudy) — шасцігадовая гімназія сярэдняй адукацыі, якая знаходзіцца ў пражскім раёне Мала-Страна на вуліцы Геліхава 457/3, Чэхія. Адна з найстарэйшых гімназій у Чэхіі[1].

Гісторыя[правіць | правіць зыходнік]

Гімназія была заснавана 6 чэрвеня 1865 года. Да канца XIX стагоддзя разам з Лужыцкай семінарыяй была адной з адукацыйных устаноў, у якой вучылася будучая сербалужыцкая інтэлігенцыя. Студэнты Лужыцкай семінарыі для атрымання дзяржаўнай адукацыі праходзілі ў абавязковым парадку навучанне ў гэтай гімназіі[2]. У XIX — пачатку XX стагоддзя называлася як «Маластранская нямецкая гімназія» па найменні «Маластранскай гімназіі», якая існавала ў 40-е гады XIX стагоддзя [3]. У сучасным будынку знаходзіцца з 1876 года, калі яе дырэктарам быў чэшскі педагог і грамадскі дзеяч Вацлаў Зялёны. З нагоды 100-годдзя з дня нараджэння чэшскага пісьменніка і паэта Яна Неруды гімназіі ў 1934 годзе было прысвоена яго імя.

У цяперашні час

Да 1990 года ў гімназіі дзейнічалі два аддзяленні: гуманітарнае аддзяленне і аддзяленне натуральных навук. З 1990 года сістэма навучання падзяляецца на два этапы, на працягу якіх выкладаюцца навуковыя і гуманітарныя дысцыпліны. З гэтага ж часу адукацыя ў гімназіі мае двухмоўны чэшска-англійскі і чэшска-французскі характар. У першы і другі год навучання прадметы выкладаюцца на англійскай мове. З трэцяга года навучання прадметы (акрамя курсу выяўленчага мастацтва і спорту) выкладаюцца на французскай мове.

Асноўны будынак гімназіі размяшчаецца на вуліцы Геліхава. Музычнае аддзяленне знаходзіцца на Коменскай плошчы.

У 1996/1997 і 2011/2012 гадах у музычным аддзяленні на Коменскай плошчы дзейнічала сістэма васьмігадовай адукацыі.

Вядомыя выпускнікі[правіць | правіць зыходнік]

Зноскі

  1. История гимназии
  2. Łusčanski, Serbski seminar sw. Pětra w Prazy, стр. 16 — 17
  3. Josef Jungmann, Historie literatury česke, стр. 657

Літаратура[правіць | правіць зыходнік]

Спасылкі[правіць | правіць зыходнік]