Гірудзін

Гірудзін — поліпептыд, які знаходзіцца ў сакрэце слінных залоз медыцынскай п'яўкі. Утвараючы злучэнне з ферментам крыві трамбінам, перашкаджае ўзнікненню фібрыну, чым затрымлівае згусанне крыві. На гэтым заснавана выкарыстанне п'явак у медыцыне. Гірудзін валодае болепатольным і процізапаленчым дзеяннем.

Літаратура

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).