Гістарычны факультэт БрДУ імя А.С. Пушкіна

З пляцоўкі Вікіпедыя
Jump to navigation Jump to search
Гістарычны факультэт
Брэсцкі дзяржаўны ўніверсітэт імя А. С. Пушкіна
Gerbist.png
Заснаваны 1991
Дэкан Бурык Алена Аляксееўна
Месцазнаходжанне 224016, г. Брэст, бульвар Касманаўтаў, 21
brsu.by/div/istoricheski…

Гістарычны факультэт (гістфак) Брэсцкага дзяржаўнага ўніверсітэта імя А. С. Пушкіна быў створаны ў 1991 годзе. Прафесарска-выкладчыцкі склад уключае: дактароў — 3 (гістарычных навук), 1 (палітычных навук, Украіна), кандыдатаў — 14 (гістарычных навук), 6 (філасофскіх навук), 2 (палітычных навук), 1 (культуралогіі).

Гісторыя факультэта[правіць | правіць зыходнік]

Рашэнне аб адкрыцці з 1 верасня 1991 г. гістарычнага факультэта ў Брэсцкім дзяржаўным педагагічным інстытуце імя А. С. Пушкіна было прынята Саветам інстытута 10 ліпеня 1991 г.

За гады свайго існавання гістфак пераўтварыўся ў рэгіянальны цэнтр падрыхтоўкі кфаліфікаваных кадраў па спецыяльнасцях «Гісторыя», «Гісторыя. Сацыяльна-палітычныя дысцыпліны», «Гісторыя. Сусветная і айчынная культура», «Гісторыя. Рэлігіязнаўства», «Гісторыя. Замежная мова (англійская)», «Гісторыя (рэлігій)», якія працуюць ва ўстановах адукацыі, культуры, архівах і іншых установах, органах дзяржаўнага кіравання пераважна Брэсцкай вобласці. Усяго за 1993—2015 гг. дыплом аб вышэйшай адукацыі атрымалі 3155 выпускнікоў гістарычнага факультэта, з іх дзённага навучання — 1564, завочнага навучання — 1060. Найбольшая колькасць выпускнікоў была ў 2010 г. — 178 чалавек.

На факутэце праводзяцца Дні беларускай культуры, культуры замежжа (Венесуэлы, Вялікабрытаніі, Чэхіі і інш.). Таксама на факультэце праводзяцца прэзентацыі твораў беларускіх і замежных вучоных (Мікола Нікалаеў (г. Сант — Пецярбург), Антоній Мірановіч (г. Беласток)), адбываюцца творчыя сустрэчы (напрыклад, з даследчыкам жыцця і творчасці акадэміка Яўхіма Карскага, яго праўнукам Аляксандрам Карскім (г. Санкт-Пецярбург) і інш.).

Значны ўклад у развіццё гістарычнага факультэта, яго навукова-даследчыцкую працу ўносіў Часноўскі Мечыслаў Эдвардавіч, доктар гістарычных навук, прафесар, рэктар Брэсцкага дзяржаўнага ўніверсітэта імя А. С. Пушкіна (2002—2014 гг.).

Выкладчыкі і студэнты гістфака БрДУ
Дацэнт гістфака БрДУ Башкоў А. А. са студэнтамі на археалагічным даследаванні каля Косаўскага палаца.

Навучанне на факультэце[правіць | правіць зыходнік]

На першай ступені вышэйшай адукацыі маецца тры спецыяльнасці:

  • «Гісторыя і грамадазнаўчыя дысцыпліны» (4 гады);
  • «Гісторыя (паліталогія)» (4 гады);
  • «Гісторыя (археалогія)» (4 гады).

Другая ступень вышэйшай адукацыі (магістратура) мае спецыяльнасць:

  • «Айчынная гісторыя» (2 гады).

Аспірантура:

  • «Айчынная гісторыя» (3 гады).

Кафедры[правіць | правіць зыходнік]

  • кафедра гісторыі славянскіх народаў (загадчык — Вабішчэвіч Аляксандр Мікалаевіч, доктар гістарычных навук, прафесар);
  • кафедра ўсеагульнай гісторыі (загадчык — Пашковіч Алена Іосіфаўна, кандыдат гістарычных навук, дацэнт);
  • кафедра гісторыі Беларусі (загадчык — Здановіч Уладзімір Васільевіч, доктар гістарычных навук, прафесар);
  • кафедра паліталогіі і сацыялогіі (загадчык — Скакун Яўген Усеваладавіч, кандыдат палітычных навук, дацэнт).

Дэканы[правіць | правіць зыходнік]

Кіраўніцтва гістарычнага факультэта было наступным: у 1991—1994 гг. — кандыдат гістарычных навук, дацэнт Тамара Фёдараўна Кабат і кандыдат гістарычных навук, прафесар Уладзімір Ульянавіч Мелішкевіч, у 1994—2003 гг. — доктар філасофскіх навук, прафесар Іван Іванавіч Акінчыц. У 2003—2004 гг. абавязкі дэкана гістарычнага факультэта выконваў кандыдат гістарычных навук, дацэнт Аляксандр Мікалаевіч Вабішчэвіч, 2004—2016 гг. дэканам гістарычнага факультэта з’яўлялася кандыдат філасофскіх навук, дацэнт Наталля Пятроўна Галімава . У цяперашні час факультэтам кіруе кандыдат гістарычных навук, дацэнт Алена Аляксееўна Бурык.

Гл. таксама[правіць | правіць зыходнік]

Спасылкі[правіць | правіць зыходнік]