Геранім Фларыян Радзівіл

З Вікіпедыі, свабоднай энцыклапедыі
(Пасля перасылкі з Г. Ф. Радзівіл)
Геранім Фларыян Радзівіл
Якуб Весэль  (ням.) (бел.. «Партрэт Гераніма Фларыяна Радзівіла»
Якуб Весэль  (ням.). «Партрэт Гераніма Фларыяна Радзівіла»
Трубы
Трубы
харунжы вялікі літоўскі
25 жніўня 1750 — 17 мая 1760
Папярэднік Юзаф Чартарыйскі[d]
Пераемнік Станіслаў Фердынанд Жавускі
падчашы вялікі літоўскі
31 сакавіка 1739 — 25 жніўня 1750
Папярэднік Аляксандр Пацей
Пераемнік Антоні Тадэвуш Пшаздзецкі

Нараджэнне 4 мая 1715(1715-05-04)
Смерць 17 мая 1760(1760-05-17)[1] (45 гадоў)
Месца пахавання
Род Радзівілы
Бацька Караль Станіслаў Радзівіл[2]
Маці Ганна Кацярына з Сангушкаў
Жонка Тэрэза з Сапегаў[d][2][3], Магдалена з Чапскіх[d][2] і Анеля з Мянчынскіх[d][2]
Дзейнасць палітык
Узнагароды
ордэн Святога Губерта
Лагатып Вікісховішча Медыяфайлы на Вікісховішчы

Геранім Фларыян Радзівіл (4 мая 1715, Белая, Берасцейскае ваяводства — 17 мая 1760) — вялікалітоўскі дзяржаўны дзеяч, мецэнат. Падчашы вялікі літоўскі (1739—1750), харунжы вялікі літоўскі (1750—1760).

Біяграфія[правіць | правіць зыходнік]

Сын Караля Станіслава Радзівіла і Ганны Кацярыны з Сангушкаў.

Атрымаў хатнюю адукацыю, у 1730—1735 гадах падарожнічаў за мяжой. З 1731 года стаў фактычным уладальнікам (юрыдычным з 1744 года) т. зв. «Нойбургскіх маёнткаў». Трымаў таксама Пшэмысльскае і Крычаўскае староствы.

Меў 6-тысячнае войска (па колькасці раўнялася войску Вялікага Княства Літоўскага). Гарнізоны размяшчаліся ў Слуцку (галоўныя сілы), Белай, Біржах, Кейданах, Невелі, Себежы, Крычаве, Капылі, Нягневічах, Рубяжэвічах, Беліцы і набіраліся з мясцовай шляхты і ваенна-служылых людзей (зямян, выбранцаў і інш.); афіцэры запрашаліся часткова з-за мяжы. У Бялай, пасля ў Слуцку трымаў афіцэрскую школу (кадэцкі корпус). Геранім Фларыян Радзівіл захоўваў жорсткі парадак у сваіх гарадах і маёнтках, задушыў Крычаўскае паўстанне 1743—1744 гадоў. У 1756 годзе пачаў будаваць на востраве Жыд-возера (перайменаваў яго ў Князьмор, цяпер возера Чырвонае) мураваны замак пад назвай Венецыя; меркаваў стварыць на возеры флот з артылерыяй.

Заснаваў тэатр у Белай і Слуцкі тэатр Радзівілаў (1751), артысты для якога рыхтаваліся ў спецыяльнай школе (першая ў Рэчы Паспалітай). Сабраў карцінную галерэю, вялікую бібліятэку, арганізаваў значнае будаўніцтва ў сваіх рэзідэнцыях — Белай і Слуцку.

У шлюбах з Тэрэзай Сапегай, Магдаленай Чапскай і Анеляй Мянчынскай дзяцей не меў, і яго маёнткі перайшлі да брата Міхала Казіміра Радзівіла Рыбанькі.

Крыніцы[правіць | правіць зыходнік]

Літаратура[правіць | правіць зыходнік]

Спасылкі[правіць | правіць зыходнік]