Давід Ісаак Дубінскі

Давід Ісаак Дубінскі
англ.: David Dubinsky
Дата нараджэння	22 лютага 1892(1892-02-22)
Месца нараджэння	Брэст, Брэсцкі павет, Гродзенская губерня, Літоўскае генерал-губернатарства, Расійская імперыя
Дата смерці	17 верасня 1982(1982-09-17) (90 гадоў)
Месца смерці	Нью-Ёрк, штат Нью-Ёрк, ЗША
Грамадзянства	ЗША
Партыя	Сацыялістычная партыя Амерыкі[d] Амерыканская лейбарысцкая партыя[d] (1944) Ліберальная партыя Нью-Ёрка[d]
Род дзейнасці	прафсаюзны дзеяч
Месца працы	Аддзел міжнародных спраў АФП-КВП[d]
Узнагароды	узнагарода Свабоды[d] (1966) Зала працоўнага гонару[d] (1993)
Медыяфайлы на Вікісховішчы

Давід Ісаак Дубінскі (ідыш: דאוויד דובינסקי, пры нараджэнні — Давід Ісаак Дабнеўскі; 22 лютага 1892(1892-02-22), Брэст, Літоўскае генерал-губернатарства — 17 верасня 1982(1982-09-17), Нью-Ёрк, штат Нью-Ёрк) — амерыканскі прафсаюзны дзеяч яўрэйскага паходжання, народжаны на тэрыторыі сучаснай Беларусі. Старшыня Міжнароднага прафсаюз работнікаў вытворчасці жаночага адзення (1932—1966).

Біяграфія

Нарадзіўся 22 лютага 1892 года ў Брэсце, і быў самым малодшым дзіцем у сям’і з пяці хлопчыкаў і трох дзяўчынак. Яго сям’я пераехала ў Лодзь, калі яму споўнілася тры гады. З ранніх гадоў працаваў у пякарні бацькі.

У час першай рускай рэвалюцыі зблізіўся з Бундам і ўступіў у яго прафсаюз пекараў, у 1906 годзе стаў памочнікам сакратара прафсаюза.. У 15 гадоў ён стаў старшынёй мясцовай ячэйкі прафсаюза. У далейшым быў арыштаваны ахранкай і прыгавораны да катаржных работ у Чалябінску, аднак пры этапаванні збег з-пад варты і пасля збег у Нью-Ёрк у 1911 годзе.

У ЗША пачаў працаваць швачкам і працягнуў прафсаюзную дзейнасць, уступіўшы ў Міжнародны прафсаюз работнікаў вытворчасці жаночага адзення. У 1922 годзе ён стаў членам генеральнага выканаўчага савета прафсаюза, а ў 1929 годзе — генеральным сакратаром-скарбнікам. У 1932 годзе Дубінскі стаў старшынёй прафсаюза, захаваўшы за сабой пасаду скарбніка. Ён займаў пасаду старшыні да 1966 года, а пасаду скарбніка — да 1959 года.

Памёр 17 верасня 1982 года Нью-Ёрку.

Спадчына

Давід Ісаак Дубінскі аказаў моцны ўплыў на пашырэнне правоў працоўных не толькі ў швейнай прамысловасці. Сярод дасягненняў жаночага прафсаюза пад кіраўніцтвам Дубінскага было першае пагадненне аб 35-гадзінным рабочым тыдні, пагадненне аб аплаце работадаўцам водпускаў наёмных рабочых, а таксама ініцыятывы ў галіне аховы працы.