Дакладнасць і ўзгодненасць вымярэння
Дакладнасць і ўзгодненасць — характарыстыкі метаду вымярэння, што дапамагаюць ацаніць няпэўнасць эксперыментальных даных. Кажуць, што спосаб вымярэння мае большую дакладнасць, калі вынікі асобных вымярэнняў знаходзяцца бліжэй да сапраўднага, вымяраемага значэння. Узгодненасць (або прэцызійнасць) апісвае толькі блізкасць вынікаў вымярэння паміж сабой, але неабавязкова высокая ўзгодненасць азначае высокую дакладнасць[1].
Узгодненасць часта ацэньваецца праз статыстычныя паказчыкі роскіду даных, такія як стандартнае адхіленне (сярэдняе квадратовае адхіленне). Гэты паказчык адлюстроўвае, наколькі асобныя вынікі вымярэнняў адхіляюцца ад іх сярэдняга значэння[1].
Гл. таксама
[правіць | правіць зыходнік]Крыніцы
[правіць | правіць зыходнік]- ↑ а б Brown 2011, с. 21-22.
Літаратура
[правіць | правіць зыходнік]- Theodore L. Brown et al. Chemistry: the central science. — 12th ed. — 2011. — ISBN 978-0-321-69672-4.
Слоўнікі і энцыклапедыі | |
|---|---|
| Нарматыўны кантроль |
