Дам’ен Перкі

Дам’ен Перкі
Агульная інфармацыя
Нарадзіўся	10 красавіка 1984(1984-04-10) (41 год) Труа, акруга Труа[d], дэпартамент Об, рэгіён Шампань — Ардэны, Францыя
Грамадзянства	Польшча
Рост	184 см
Вага	83 кг
Пазіцыя	абаронца
Клубная кар’ера
2003—2005 Труа 62 (3) 2005—2007 Сент-Эцьен 23 (1) 2007—2008 →  Сашо[d] 23 (1) 2008—2012 Сашо[d] 123 (10) 2012—2015 Рэал Бетыс 32 (0) 2015—2016 Таронта[d] 37 (2) 2016—2017 Нотынгем Форэст 17 (2) 2017—2019 Газелек[d] 42 (0)
Медыяфайлы на Вікісховішчы

Дам’е́н Перкі́ (фр.: Damien Perquis; нар. 10 красавіка 1984, Труа, Францыя) — колішні польскі футбаліст французскага паходжання, абаронца. Гуляў у складзе нацыянальнай зборнай Польшчы.

Кар’ера

Клубная

Перкі з'яўляецца выхаванцам клуба «Труа». Ён гуляў у Лізе 2 за «Труа» на працягу 2 гадоў, дзе быў адным з найлепшых абаронцаў лігі. У 2005 годзе Дам’ен падпісаў кантракт з клубам Лігі 1 «Сент-Эт’енам» як вольны агент. Праз два гады, не замацаваўшыся ў складзе Перкі быў аддадзены ў арэнду «Сашо». Пасля некаторых непрыемнасцей ён знайшоў сваю форму і пачаў рэгулярна гуляць у асноўным складзе. У 2008 годзе «Сашо» выкупіў яго кантракт.

Міжнародная

Гуляў за моладзевую зборную Францыі, аднак у снежні 2008 года Перкі заявіў, што да яго праяўляе цікавасць зборная Польшчы. У студзені 2011 года паведамлялася, што Дам’ен падаў паперы на атрыманне грамадзянства. Аднак яго сям’я страціла некаторыя неабходныя дакументы, і таму галоўны трэнер польскай зборнай Францішак Смуда папрасіў прэзідэнта Польшчы Браніслава Камароўскага пасадзейнічаць у атрыманні польскага пашпарта. У верасні 2011 года Перкі атрымаў польскае грамадзянства.

Дам’ен дэбютаваў у складзе нацыянальнай зборнай Польшчы супраць зборнай Германіі 6 верасня 2011 года. Гульня скончылася ў нічыю 2:2.

Асабістае жыццё

Дам’ен мае польскае паходжанне праз сваю бабулю, якая з’ехала ў Францыю з цэнтральнай Польшчы.

Сям’я

Жанаты і мае двух дзяцей.

Спасылкі

• На Вікісховішчы ёсць медыяфайлы па тэме Дам’ен Перкі
• Профіль на сайце transfermarkt.co.uk
• Профіль на сайце lequipe.fr