Джаяпура

Горад Джаяпура Jayapura Герб Сцяг Краіна Інданезія Рэгіён Правінцыя Папуа, Інданезія Каардынаты 2°31′58,80″ пд. ш. 140°43′01,20″ у. д. Заснаваны 7 сакавіка 1910 Ранейшыя назвы Галандыя, Кота-Бару, Сукарнапура Горад з 1910 Плошча 936 км² Вышыня цэнтра 287 м Афіцыйная мова інданезійская мова Насельніцтва 315872 чалавекі (2014) Нацыянальны склад бугі, яванцы, кітайцы, папуасы Канфесійны склад іслам, хрысціянства Часавы пояс UTC+9 Тэлефонны код +62 967 Афіцыйны сайт jayapuracity.com Джаяпура на карце Інданезіі

Медыяфайлы на Вікісховішчы

Джаяпу́ра (індан.: Jayapura) — горад на паўночным захадзе Новай Гвінеі, адміністрацыйны цэнтр інданезійскай правінцыі Папуа. Ранейшыя назвы — Галандыя, Кота-Бару, Сукарнапура. Насельніцтва (2014 г.) - 315 872 чал.

Гісторыя

У канцы XIX - пачатку XX ст. мясцовасць Намбэй у заліве Гумбальта прыцягвала гандляроў з еўрапейскіх краін і дробных дзяржаў Паўднёва-Усходняй Азіі. Тут узнікла буйное паселішча, якое кіравалася мясцовым правадыром. 7 мая 1910 г. Намбэй быў афіцыйна анексаваны Нідэрландамі. На яго месцы ўзнік каланіяльны горад і порт Галандыя. У 1942 - 1944 гг. ён быў акупаваны японцамі. У 1949 - 1962 гг. з'яўляўся адміністрацыйным цэнтрам Нідэрландскай Новай Гвінеі. У 1963 г. далучаны да Інданезіі і пераўтвораны ў правінцыйны адміністрацыйны цэнтр. Мае сучасную назву з 1968 г. У 1998 г. пацярпеў ад цунамі.

Геаграфія

Горад Джаяпура месціцца на перасмыку паміж дзвюма залівамі ў пагорыстай мясцовасці. Найбольшая вышыня - 287 м. Клімат экватарыяльны вільготны. Сярэдняя тэмпература вагаецца ад +29°C да +31,8°C.

Інфраструктура

Горад Джаяпура — важны транспартны, гандлёвы, турыстычны і адміністрацыйны цэнтр. Працуюць порт і аэрапорт Сентані. З 1949 г. — цэнтр каталіцкай дыяцэзіі. У Джаяпуры месціцца вядомы ў Інданезіі футбольны клуб "Персіпура".

Спасылкі

• Гарадскі сайт Архівавана 9 сакавіка 2016.
• Даведнік для вандроўнікаў