Джорджтаўн (Гаяна)

Джорджтаўн
Краіна	Гаяна
Каардынаты	6°47′ пн. ш. 58°10′ з. д.HGЯO
Заснаваны	1781
Плошча	147,6 км²;
Вышыня цэнтра	0 м
Водныя аб’екты	Рака Дэмерара і Атлантычны акіян
Насельніцтва	325 630 чалавек (2005)
Часавы пояс	UTC-4, летам UTC-3
Афіцыйны сайт	stgeorges.org.gy (англ.)
	Медыяфайлы на Вікісховішчы

Джорджтаўн (англ.: Georgetown) — сталіца, самы вялікі порт і самы вялікі горад Гаяны, знаходзіцца на ўзбярэжжы Атлатычнага акіяна ў вусці ракі Дэмерара. Насельніцтва складае каля 210 тыс. чалавек.

Праз порт горада ажыццяўляецца экспарт краіны, у асноўным: цукар, дрэва, баксіты, золата і алмазы.

Горад быў заснаваны ў 1781 годзе галандскімі каланістамі, першапачатковая назва была — Стабрук. Сучасная назва была нададзена гораду ў 1812 годзе, пасля перадачы калоніі Вялікабрытаніі. У 1784 годзе горад атрымаў статус адміністрацыйнага цэнтра галандскіх каланіяльных тэрыторыяў ў Паўднёвай Амерыцы. У 1812 годзе, пасля заваявання брытанцамі, у горадзе размясцілася рэзідэнцыя губернатара. У 1831 годзе, пасля аб'яднання англійскіх калоній Бербіс, Эсекіба і Дэмерара, Джорджтаўн стаў сталіцай новага ўтварэння — Брытанская Гвіяна. Пасля адмены рабства ў 1830-х гадах у Джорджтаўн пачалі прыбываць працоўныя з Індыі, Азіі і Афрыкі, у 1840-х гадах сюды пачалі перасяляцца працоўныя з Партугаліі і Кітаю.

У маі 1966 года Гаяна абвясціла сваю незалежнасць, а Джорджтаўн стаў яе сталіцай.

Прыродныя ўмовы[правіць | правіць зыходнік]

Клімат у горадзе субэкватарыяльны, сярэднегадавая тэмпература вагаецца ад +26 да +28 °C. Сярэднегадавы ўзровень ападкаў складае каля 2250 мм. Перыяд дажджоў цягнецца з мая да жніўня, і з лістапада да студзеня. У сувязі з блізкасць акіяна, вільготнасць паветра вельмі высокая, прыкладна 75-80 %.