Дзеянні Стэфана

З пляцоўкі Вікіпедыя
Jump to navigation Jump to search

«Дзеянні Стэфана» (лац.: Gesta Stephani) — сярэдневяковая англійская хроніка сярэдзіны XII стагоддзя, прысвечаная кіраванню караля Стэфана. Аўтар хронікі невядомы.

«Дзеянні Стэфана» з'яўляюцца адным з найважнейшых крыніц па гісторыі перыяду феадальнай анархіі ў Англіі часоў вайны за прастол паміж Стэфанам Блуаскім і імператрыцай Мацільдай. Хроніка напісана на лацінскай мове. У адрозненне ад іншых хронік, аўтар «Дзеянняў...» з'яўляецца заўзятым прыхільнікам караля Стэфана і падае інфармацыю з яго пункта гледжання, асуджаючы Мацільду і яе прыхільнікаў. Тон і падбор матэрыялу далёкі ад аб'ектыўнасці, аднак у плане дакладнасці фактаў і ўвагі да дэталяў аўтар хронікі не саступае, а часам і пераўзыходзіць Вільяма Мальмсберыйскага ці Генрыха Хантынгданскага. Значную цікавасць уяўляе параўнанне адлюстравання падзей грамадзянскай вайны ў выкладзе аўтара «Дзеянняў...», прыхільніка Стэфана, і ў выкладзе Вільяма Мальмсберыйскага і пазнейшых аўтараў, лаяльных Мацільдзе і Плантагенетам.

Пра аўтара «Дзеянняў Стэфана» нічога не вядома. Відавочна, ён быў святаром на службе ў караля Стэфана і сведкай апісаных падзей. Магчыма, хроніка была напісана па непасрэдным даручэнні караля. Паводле версіі, упершыню высунутай Р. Дэйвісам у 1962 годзе, аўтарам «Дзеянняў...», верагодна, з'яўляецца Роберт з Льюіса (пам. 1166), біскуп бацкі і ўэлскі (з 1136), верны прыхільнік Стэфана Блуаскага і актыўны ўдзельнік ваенных дзеянняў супраць Роберта Глостэрскага ў заходніх графствах.

Спасылкі і літаратура[правіць | правіць зыходнік]