Дзмітровічы

З пляцоўкі Вікіпедыя
Jump to navigation Jump to search
Аграгарадок
Дзмітровічы
Праабражэнская царква. Дзьмітравічы.jpg
Краіна
Вобласць
Раён
Сельсавет
Каардынаты
Насельніцтва
Часавы пояс
Тэлефонны код
+375 1631
Аўтамабільны код
1
Дзмітровічы на карце Беларусі ±
Дзмітровічы (Беларусь)
Дзмітровічы
Дзмітровічы (Брэсцкая вобласць)
Дзмітровічы

Дзмітро́вічы[2] (трансліт.: Dzmitrovičy, руск.: Дмитровичи) — аграгарадок у Камянецкім раёне Брэсцкай вобласці. Уваходзіць у склад Дзмітровіцкага сельсавета. У вёсцы 243 гаспадаркі(2005)[3], 588 жыхароў (2010)[4]. Цэнтр ААТ «Камянецкая пушча».

Дзмітровічы размешчаны за 12 км на паўночны захад ад Каменца, за 49 км на поўнач ад Брэста, за 37 км ад чыгуначнай станцыі Жабінка (лінія Баранавічы — Брэст). Праз вёску праходзіць аўтадарога рэспубліканскага значэння Брэст — Каменец — Камянюкі (Р83).

Гісторыя[правіць | правіць зыходнік]

У канцы XVI ст. вёска ў Берасцейскім павеце і ваяводстве ВКЛ, дзяржаўная ўласнасць. У 1786 годзе пабудавана драўляная Спаса—Праабражэнская царква.

У 1795 годзе ў выніку Трэцяга падзелу Рэчы Паспалітай у складзе Расійскай імперыі.

У першай палове XIX ст. сяло ў Брэсцкім павеце Гродзенскай губерні. Адносілася да фальварка Ямна маёнтка Дамброва. У 1847 годзе паводле інвентара ўладанне памешчыкаў Сівераў і Бахмецьевай, у сяле 311 наяўных сялянскіх душ, 344 дзесяціны ворыўнай, 28 дзесяцінаў сядзібнай зямлі. У 1860-я гг. у Дзмітравіцкай воласці тых жа павету і губерні. У 1885 годзе сяло, 42 двары, 399 жыхароў, валасное ўпраўленне, праваслаўная царква, школа, за 1 вярсту ў сядзібе Ямна віназавод. У 1897 годзе паводле перапісу 74 двары, 498 жыхароў, народнае вучылішча, хлебазапасная крама, карчма. Пры сяле знаходзілася сядзіба Андрэя Жуковіча, 1 двор, 3 жыхары.

У 1905 годзе 560 жыхароў, у народным вучылішчы 97 навучэнцаў. У 1921 годзе ў выніку Польска-савецкай вайны паводле Рыжскага мірнага дагавора ў складзе Польшчы, сяло, цэнтр Дзмітравіцкай гміны Берасцейскага павета Палескага ваяводства. У 1923 годзе 89 двароў, 402 жыхары. У 1939 годзе ў выніку Пакту Молатава — Рыбентропа ў складзе Брэсцкай вобласці БССР.

У 1940 годзе вёска, цэнтр Дзмітравіцкага сельсавета Камянецкага раёна Брэсцкай вобласці, 121 двор, 614 жыхароў, 7-гадовая школа, бетонны завод, маслазавод, пошта. У склад сельсавету ўваходзілі 16 паселішчаў (648 двароў, 3542 жыхары). Цягам Другой сусветнай вайны на франтах загінулі і зніклі без вестак 25 жыхароў вёскі. У 1950 годзе цэнтр узбуйненага калгасу імя Дзімітрава. У 1959 годзе на землях калгаса створаны саўгас «Белавежскі». У 1960 годзе ў вёсцы 372 жыхары. З 1964 года цэнтр саўгаса імя Дзімітрава (у 1991 рэарганізаваны ў калгас). У 1964 годзе 616 жыхароў.

Вядомыя асобы[правіць | правіць зыходнік]

Славутасці[правіць | правіць зыходнік]

Спаса-Праабражэнская царква

Зноскі

  1. Дзяржаўны каталёг найменьняў геаграфічных аб’ектаў Рэспублікі Беларусь — 2013.
  2. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Дзмі́травічы
  3. Гарады і вёскі Беларусі: Энцыклапедыя. Т. 4, кн. 2. Брэсцкая вобласць / Рэдкалегія: Г. П. Пашкоў (галоўны рэдактар) і інш. — Мн.: БелЭн, 2007. С. 43
  4. Дзяржаўны каталог найменняў геаграфічных аб'ектаў Рэспублікі Беларусь (руск.) . Дзяржаўны цэнтр картографа-геадэзічных матэрыялаў і даных Рэспублікі Беларусь (8 жніўня 2013).

Літаратура[правіць | правіць зыходнік]

Спасылкі[правіць | правіць зыходнік]