Дзмітрый Львовіч Аганаў

Дзмітрый Львовіч Аганаў
Дата нараджэння	17 красавіка 1976(1976-04-17) (47 гадоў)
Месца нараджэння	Наваполацк, Віцебская вобласць, БССР, СССР
Бацька	Леў Рыгоравіч Аганаў
Род дзейнасці	скульптар
Месца працы	Творчыя акадэмічныя майстэрні жывапісу, графікі і скульптуры[d] БДУ
Вучоба	Мінскі дзяржаўны мастацкі каледж імя А. К. Глебава Беларуская дзяржаўная акадэмія мастацтваў
Член у	Беларускі саюз мастакоў

Дзмітрый Львовіч Ага́наў (нар. 17 красавіка 1976, Наваполацк) — беларускі скульптар.

Біяграфія

Нарадзіўся ў сям’і вядомага скульптара Льва Аганава. Скончыў Мінскае мастацкае вучылішча імя А. К. Глебава і Беларускую дзяржаўную акадэмію мастацтваў па спецыяльнасці «Скульптура».

Стажыраваўся ў Творчых майстэрнях жывапісу, графікі і скульптуры пры Міністэрстве культуры Рэспублікі Беларусь. Выкладае ў БДУ.

Удзельнічаў у шматлікіх выставах.

Сябар Беларускага саюза мастакоў.

Узнагароды

Мае шэраг дыпломаў і ўзнагарод: дыплом ААН у намінацыі «Экалогія» (2000), 2-е месца ў конкурсе ААТ «Пріорбанк» за кампазіцыю «Адлюстраванне прыгажосці» (2004), дыплом архітэктурнай выставы «Леанарда» (2005), падзяку мэра Наваполацка за манументальна-дэкаратыўную кампазіцыю «Юнацтва» (2012), перамогу на конкурсе на стварэнне кампазіцыі «Знаходжанне іконы Божай Маці Мінскай» (2013).

Творчасць

Помнік у гонар з’яўлення абраза Маці Божай Мінскай

Работы Дзмітрыя Аганава ўстаноўлены ў Мінску, Наваполацку і Мюнстэры (Германія). Многія яго творы захоўваюцца ў прыватных калекцыях у Беларусі, Расіі, Германіі, Ірландыі, ЗША, Аб’яднаных Арабскіх Эміратах.

Спасылкі

• Скульптар Дзмітрый АГАНАЎ: «Усё мастацтва сканцэнтравана вакол чалавека. І існуе яно таксама для чалавека…» Архівавана 30 кастрычніка 2020.