Дзмітрый Аляксандравіч Коўб

З пляцоўкі Вікіпедыя
Jump to navigation Jump to search
Футбол
Дзмітрый Коўб
Агульная інфармацыя
Поўнае імя Дзмітрый Аляксандравіч Коўб
Нарадзіўся 20 студзеня 1987(1987-01-20)[1] (33 гады)
Грамадзянства Сцяг Беларусі Беларусь
Рост 183 см
Вага 74 кг
Пазіцыя нападнік
Інфармацыя пра клуб
Клуб завяршыў кар’еру
Кар’ера
Клубная кар’ера*
2005 — 2007 Сцяг Беларусі Шахцёр (Салігорск) 0 (0)
2008 Сцяг Беларусі БДАТУ-Ніва (Самахвалавічы) 13 (8)
2008 — 2011 Сцяг Беларусі Белшына (Бабруйск) 53 (18)
2010   Сцяг Беларусі ДБК-Гомель 14 (6)
2012 Сцяг Беларусі Мінск 7 (0)
2012 Сцяг Беларусі Белшына (Бабруйск) 12 (3)
2013 Сцяг Беларусі Дняпро (Магілёў) 17 (2)
2014 Сцяг Літвы Тракай 31 (11)
2015 Сцяг Беларусі Віцебск 12 (3)
2015 — 2016 Сцяг Беларусі Гарадзея 19 (5)
2017 Сцяг Эстоніі Транс (Нарва) 14 (10)
2017 Сцяг Індыі Мінерва Пенджаб (Чандыгарх) 0 (0)
2018 Сцяг Беларусі Баранавічы 9 (0)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 11 студзеня 2019.


Дзмітрый Коўб (нар. 20 студзеня 1987, Мінск) — былы беларускі футбаліст, нападнік.

Клубная кар’ера[правіць | правіць зыходнік]

Пачаў кар’еру ў Салігорску, дзе гуляў за дубль. У першай палове 2008 года выступаў за клуб-аўтсайдэр Другой лігі «БДАТУ-Ніва», дзе стаў найлепшым бамбардзірам.

Улетку 2008 года перайшоў у бабруйскую «Белшыну». Добра праявіў сябе ў сезоне 2011, забіўшы за сезон 10 галоў. Пасля гэтага сезону перайшоў у якасці свабоднага агента ў «Мінск», але не замацаваўся ў асноўным складзе. У выніку ў канцы ліпеня 2012 года вярнуўся ў бабруйскі клуб.

У студзені 2013 года стаў іграком магілёўскага «Дняпро». Спачатку гуляў у аснове, але потым засеў на лаўцы запасных і толькі выхадзіў на замену. У выніку па заканчэнні сезону пакінуў клуб.

У сакавіку 2014 года стаў іграком дэбютанта літоўскай A Лігі — футбольнага клуба «Тракай»[2]. У складзе «Тракая» ў сезоне 2014 забіў 11 галоў, пры гэтым аднойчы вызначыўся незвычайным святкаваннем гола[3]. У лютым 2015 года разарваў кантракт з «Тракаем»[4].

Вярнуўшыся з Літвы, у лютым 2015 года падпісаў кантракт з футбольным клубам «Віцебск», які па выніках сезону 2014 вярнуўся ў Вышэйшую лігу[5]. За паўгады ў «Віцебску» забіў 3 галы, пры гэтым 2 — з пенальці. У ліпені 2015 года па пагадненні бакоў пакінуў віцебскі клуб[6].

У канцы жніўня 2015 года стаў іграком «Гарадзеі», якой дапамог выйсці ў Вышэйшую лігу. У снежні 2015 года падоўжыў кантракт з клубам[7]. У пачатку сезону 2016 з’яўляўся ў стартавым складзе «Гарадзеі», але потым страціў месца ў аснове. Па заканчэнні сезону 2016 пакінуў «Гарадзею»[8].

У лютым 2017 года прыбыў на прагляд у эстонскі клуб «Транс» (Нарва) і ў выніку падпісаў з ім кантракт[9]. За паўгады ў складзе эстонскай каманды забіў 10 галоў у 14 матчах. У верасні 2017 года перабраўся ў Індыю, стаўшы іграком клуба «Мінерва Пенджаб»[10]. Аднак, у лістападзе 2017 года не быў заяўлены індыйскім клубам на новы сезон і пакінуў яго[11].

У пачатку 2018 года рыхтаваўся да новага сезону з «Крумкачамі», аднак клуб не здолеў атрымаць ліцэнзію на ўдзел у Вышэйшай лізе. У сакавіку 2018 года стаў іграком «Баранавічаў»[12]. Пакінуў каманду ў ліпені таго ж года.

У студзені 2019 года стала вядома, што Дзмітрый завяршыў кар’еру і стаў працаваць дзіцячым трэнерам у школе мінскага «Дынама»[13].

Дасягненні[правіць | правіць зыходнік]

Зноскі

Спасылкі[правіць | правіць зыходнік]