Дзмітрый Васілевіч Наліўкін

З пляцоўкі Вікіпедыя
Jump to navigation Jump to search
Дзмітрый Васілевіч Наліўкін
руск.: Дмитрий Васильевич Наливкин
Дата нараджэння 13 (25) жніўня 1889
Месца нараджэння
Дата смерці 3 сакавіка 1982(1982-03-03)[2][3] (92 гады)
Месца смерці
Месца пахавання
Грамадзянства
Род дзейнасці палеантолаг, геолаг, геафізік
Навуковая сфера геалогія[3], палеанталогія[3], стратыграфія[3], Цэнтральная Азія[3] і Дэвонскі перыяд[3]
Месца працы
Навуковая ступень доктар геолага-мінералагічных навук[d]
Альма-матар
Член у
Прэміі
Сталінская прэмія
Узнагароды

Дзмітрый Васілевіч Налі́ўкін[4] (руск.: Дмитрий Васильевич Наливкин; 13 (25) жніўня 1889 — 3 сакавіка 1982) — вучоны, геолаг і палеантолаг, доктар геолага-мінералагічных навук, прафесар (1920), акадэмік Акадэміі навук СССР (1946, член-карэспандэнт з 1933). Замежны член Сербскай акадэміі навук (1968)[4], ганаровы член Акадэміі навук Туркменскай ССР (1958), Герой Сацыялістычнай Працы (1963). Заслужаны дзеяч навукі РСФСР (1943).

Біяграфія[правіць | правіць зыходнік]

Нарадзіўся ў Санкт-Пецярбургу. Скончыў Танішаўскае камерцыйнае вучылішча. Працаваў у Горным камітэце калектарам, адзьюнкат-геолагам, геолагам. У 1915 годзе скончыў Ленінградскі горны інстытут і выкладаў у ім з 1917 года. У 1925—1926 гадах выкладчык у Сярэднеазіяцкім дзяржаўным універсітэце ў Ташкенце, у 1929—1930 гадах у Ленінградскім політэхнічным інстытуце. З 1926 года займаў пасаду загадчыка Туркестанскай секцыі Геалагічнага камітэта, з 1929 года дырэктар Інстытута геалагічнай карты Галоўнага геолага-разведачнага ўпраўлення Вышэйшага савета народнай гаспадаркі СССР. З 1931 года ў Цэнтральным навукова-даследчым геолага-разведачным інстытуце, з 1939 года ва Усесаюзным навукова-даследчым геалагічным інстытуце. У 1941—1946 гадах ва Свярдлоўскім горным інстытуце. У 1946—1955 гадах на пасадзе дырэктара Лабараторыі азёразнаўства Акадэміі навук СССР і адначасова у 1946—1951 гадах старшыня прэзідыума Туркестанскага філіяла Акадэміі навук СССР. З 1954 года Д. В. Наліўкін старшыня створанага па яго ініцыятыве Міжведамаснага стратыграфічнага камітэта СССР, з 1974 года — яго ганаровы старшыня. У 1957—1961 гадах старшыня Нацыянальнага камітэта геолагаў СССР.

Памёр Д. В. Наліўкін 2 сакавіка 1982 года[4][5]. Пахаваны ў пасёлку Камарова (Курортны раён Санкт-Пецярбурга)[5].

Навуковая дзейнасць[правіць | правіць зыходнік]

Д. В. Наліўкіну належаць навуковы працы геалогіі, палеанталогіі, стратыграфіі і палеагеаграфіі палеазою і карысным выкапням Урала, Сярэдняй Азіі і Усходне-Еўрапейскай платформы. Займаўся вывучэннем фацый і інш. Кіраваў стварэннем геалагічных карт тэрыторыі СССР, распрацоўкай прынцыпаў іх стварэння. У 1931—1937 гадах кіраваў геалагічнай групай Таджыка-Памірскай экспедыцыі Акадэміі навук СССР[5]. З 1937 года — галоўны рэдактар дробнамаштабных геалагічных карт тэрыторыі СССР[5].

Аўтар больш за 400 навуковых прац, у тым ліку манаграфій[5].

Сярод апублікаванага:

  • Брахиоподовые фации верхнего и среднего девона Ферганы // Изв. ИАН. 1915. Т. 9. № 17. С. 1835—1840.
  • Очерк гео­ло­гии Тур­ке­ста­на. — Ташкент; М., 1926.
  • Учение о фациях: Географические условия образования осадков. Т. 1—2. — М., Л, 1955—1956.
  • Геология СССР. — М., Л, 1962.
  • Ураганы, бури и смерчи. — Л., 1969.
  • Раннедевонский перерыв в Прибалтике // Современные задачи палеонтологии и биостратиграфии в развитии минерально-сырьевой базы. — Л. 1984.

Быў ганаровым членам шэрагу навуковых таварыстваў СССР, Францыі, Вялікабрытаніі, Венгрыі, Польшчы, Чэхаславакіі, Індыі, ЗША[5].

Узнагароды[правіць | правіць зыходнік]

Памяць[правіць | правіць зыходнік]

Зноскі

  1. Наливкин Дмитрий Васильевич // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
  2. Ralph J., Nikischer T., Hudson Institute of Mineralogy Mindat.org: The Mineral and Locality Database[Keswick, VA], Coulsdon, Surrey: 2000.
  3. 3,0 3,1 3,2 3,3 3,4 3,5 3,6 3,7 3,8 3,9 https://www.geosociety.org/documents/gsa/memorials/v17/Nalivkin-DV.pdf Праверана 14 лістапада 2020.
  4. 4,0 4,1 4,2 Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка.
  5. 5,0 5,1 5,2 5,3 5,4 5,5 5,6 5,7 Дзмітрый Васілевіч Наліўкін на сайце «Героі краіны»
  6. Каталог «Советский знак» (руск.) 

Літаратура[правіць | правіць зыходнік]

Спасылкі[правіць | правіць зыходнік]