Дзмітрый Міхайлавіч Мікулёнак

Дзмітрый Міхайлавіч Мікулёнак
Міністр архітэктуры і будаўніцтва РБ
з 18 жніўня 2018
Прэм’ер-міністр	Сяргей Румас
Прэзідэнт	Аляксандр Лукашэнка
Папярэднік	Анатоль Чорны
Адукацыя	будаўнічы факультэт БНТУ[d] (1996) Акадэмія кіравання пры Прэзідэнце Рэспублікі Беларусь (2006)
Дзейнасць	архітэктар, міністр
Месца працы	МАПІД[d] Упраўленне капітальнага будаўніцтва Мінгарвыканкама[d]
Нараджэнне	1973 Мінск, БССР, СССР
Жонка	жанаты
Дзеці	сын і дачка

Дзмітрый Міхайлавіч Мікулёнак (нар. 1973, Мінск) — беларускі дзяржаўны дзеяч, міністр архітэктуры і будаўніцтва Беларусі з 18 жніўня 2018 года.

Біяграфія

Нарадзіўся і вырас у Мінску. Скончыў ў 1996 годзе будаўнічы факультэт БНТУ. У 1996—2004 гадах — інжынер, майстар па будаўніцтве, вытворца работ, начальнік вытворчага аддзела будаўнічага ўпраўлення № 256 Мінскага арэнднага прадпрыемства індустрыяльнага домабудавання «Мінскжылбуд» (у 2001 годзе ператворана ў ААТ «МАПІД»). З 2004 па 2006 год быў галоўным спецыялістам КУП «Упраўленне капітальнага будаўніцтва Мінгарвыканкама», затым намеснікам дырэктара па будаўніцтве будынка Нацыянальнай бібліятэкі КУП «Упраўленне капітальнага будаўніцтва Мінгарвыканкама».

У 2006 годзе скончыў Акадэмію кіравання пры Прэзідэнце Беларусі. У 2006—2011 гадах — галоўны інжынер — першы намеснік дырэктара КУП «Упраўленне капітальнага будаўніцтва Мінгарвыканкама». З 2011 года з’яўляўся дырэктарам прадпрыемства.

18 жніўня 2018 прызначаны міністрам архітэктуры і будаўніцтва Рэспублікі Беларусь.

Узнагароды

• медаль за ўзвядзенне комплекса «Мінск-Арэна»
• званне «Будаўнік года»
• званне «Мінчанін года» (2015)

Спасылкі

• Дзмітрый Міхайлавіч Мікулёнак // БелТА