Дзмітрый Юр’евіч Цярэшчанка

З пляцоўкі Вікіпедыя
Jump to navigation Jump to search
Футбол
Дзмітрый Цярэшчанка
Поўнае імя Дзмітрый Юр’евіч Цярэшчанка
Нарадзіўся 4 красавіка 1987(1987-04-04)[1] (34 гады)
Грамадзянства Flag of Ukraine.svg Украіна
Рост 178 см
Вага 72 кг
Пазіцыя паўабаронца
Інфармацыя пра клуб
Клуб Беларусь Дняпро
Нумар 11
Маладзёжныя клубы
1999—2000 Украіна ВФК-2 (Днепрапятроўск) 10 (1)
2000—2003 Украіна ВФК (Днепрапятроўск) 24 (3)
Клубная кар’ера[* 1]
2007—2011 Беларусь Дняпро (Магілёў) 126 (8)
2012—2013 Беларусь Дынама (Мінск) 6 (0)
2012   Беларусь Дняпро (Магілёў) 11 (3)
2013   Беларусь Белшына (Бабруйск) 25 (1)
2014—2017 Беларусь Дняпро (Магілёў) 107 (4)
2018—2020 Беларусь Гомель 68 (0)
2021— Беларусь Дняпро (Магілёў)
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 12 лютага 2021.

Дзмітрый Цярэшчанка (нар. 4 красавіка 1987, Паўлаград, Днепрапятроўская вобласць, УССР) — украінскі футбаліст, паўабаронца беларускага клуба «Дняпро» з Магілёва.

Клубная кар’ера[правіць | правіць зыходнік]

З 2007 года доўгі час выступаў за магілёўскі «Дняпро», а ў 2012 годзе перайшоў у мінскае «Дынама». Не замацаваўся ў мінскім клубе і быў аддадзены ў арэнду ў Магілёў, дапамог «Дняпру» перамагчы ў Першай лізе.

У студзені 2013 года быў аддадзены ў арэнду «Белшыне». Замацаваўся ў аснове на пазіцыі левага паўабаронцы, дзе звычайна чаргаваўся з Раманам Сарокіным. Па заканчэнні тэрміну арэнды ў снежні 2013 года пакінуў «Дынама».

У студзені 2014 года вярнуўся ў «Дняпро»[2]. У магілёўскім клубе замацаваўся на пазіцыі левага паўабаронцы. Правёў за клуб усе 32 матчы чэмпіянату, але не здолеў выратаваць «Дняпро» ад вылету ў Першую лігу.

У студзені 2015 года разам з партнёрам па «Дняпры» Міхаілам Казловым знаходзіўся на праглядзе ў салігорскім «Шахцёры», але не падышоў[3]. Пазней цікавасць да паўабаронцы праяўляў «Віцебск»[4], але ў выніку Цярэшачнка застаўся ў Магілёве і ў сакавіку 2015 года падоўжыў кантракт з мясцовым клубам[5].

У 2015—2016 выступаў за «Дняпро» ў Першай лізе, па выніках сезона 2016 дапамог клубу вярнуцца ў элітны дывізіён. У сезоне 2017 заставаўся асноўным іграком магіляўчан, гуляў у асноўным на пазіцыі левага абаронцы.

У студзені 2018 года пакінуў магілёўскі клуб[6] і накіраваўся на прагляд у «Гомель», з якім у выніку падпісаў кантракт[7]. У складзе гомельскай каманды стаў трывалым іграком асновы. У снежні 2018 года падоўжыў пагадненне з «Гомелем» на наступны сезон[8]. У сезоне 2019 стаў радзей з’яўляцца ў стартавым складзе, а з лета ў асноўным заставаўся на лаўцы запасных. У снежні 2019 года падоўжыў кантракт з гомельскім клубам[9]. У сезоне 2020 у якасці трывалага іграка стартавага складу дапамог «Гомелю» вярнуцца ў Вышэйшую лігу. У студзені 2021 года пакінуў гомельскі клуб[10].

У студзені 2021 года стаў трэніравацца з магілёўскім «Дняпром» і ў лютым падпісаў з ім кантракт[11].

Дасягненні[правіць | правіць зыходнік]

Зноскі