Дзявочая вежа (Талін)

Славутасць
Дзявочая вежа
59°26′07″ пн. ш. 24°44′27″ у. д.
Краіна	Эстонія
Медыяфайлы на Вікісховішчы

Дзявочая вежа (эст.: Neitsitorn, Megede torn) — вежа ў паўднёва-захадняй частцы Талінскай абарончай сцяны паміж надвратнай вежай Лююхіке Ялг і вежай Хар’ю на поўнач ад вуліцы Камандандзі.

Вежа ўпершыню згадваецца ў 1373 годзе. Вежа атрымала сваё імя ў гонар капітана вежы Хінса Мегнэ(ням.: Hinse Meghe)

Пазней імя перайначылася ў (ням.: Mägdethurm, Mädchenthurm), з якога ў перакладзе на эстонскі з’явілася — Neitsitorn.

Вежа была першапачаткова трохпавярховай і была адкрыта ў бок горада, вышыня яе складала 12,5 метраў. Вежа мае трапецападобную форму.

Вежа моцна пацярпела падчас аблогі Таліна рускімі войскамі падчас Лівонскай вайны ў 1577 г.. Пазней вежу перабудавалі і выкарысталі ў якасці турмы да 1626 года. З 1842 года вежу выкарыстоўвалі ў якасці жылога дома.

З канца XIX стагоддзя да 1960-х гадоў XX стагоддзя ў вежы размяшчаліся атэлье мастакоў, у тым ліку Крысц’яна і Паўля Раўдаў, пасля Другой сусветнай вайны ў вежы шмат гадоў жыў выдатны архітэктар Карл Бурман.

Вежу, якая развальвалася, сталі прыводзіць у парадак ў 1968 годзе, у істотна перабудаванай вежы ў 1980 годзе адкрылася кафэ Neitsitorni.

У цяперашні час вежа стаіць пустая і не выкарыстоўваецца.

Спасылкі

• Дзявочая вежа перайшла ва ўласнасць горада Таліна // rus.err.ee, 21.12.2010