Дзяржаўнае навукова-вытворчае аб’яднанне «Оптыка, оптаэлектроніка і лазерная тэхніка»
| Дзяржаўнае навукова-вытворчае аб'яднанне «Оптыка, оптаэлектроніка і лазерная тэхніка» | |
|---|---|
| Міжнародная назва | State Scientific and Production Association of Optics, Optoelectronics and Laser Technology |
| Дата заснавання | 2011 |
| Рэарганізавана | 2016 |
| Тып | навукова-вытворчае аб'яднанне |
| Генеральны дырэктар | Мікалай Станіслававіч Казак |
| Юрыдычны адрас |
 Беларусь, 220072, Мінск, прасп. Незалежнасці, 68-1. |
| Сайт | oelt.basnet.by |
Дзяржаўнае навукова-вытворчае аб’яднанне «Оптыка, оптаэлектроніка і лазерная тэхніка» — навукова-вытворчае аб’яднанне ў структуры Нацыянальнай акадэміі навук Беларусі.
Гісторыя[правіць | правіць зыходнік]
У 2007 годзе Інстытут электронікі НАН Беларусі быў далучаны да Інстытута фізікі.
У канцы 2011 года ў адпаведнасці з Указам Прэзідэнта Рэспублікі Беларусь ад 31.10.2011 № 494 «Аб удасканаленні арганізацыйнай структуры Нацыянальнай акадэміі навук Беларусі» было створана зяржаўнае навукова-вытворчае аб’яднанне «Оптыка, оптаэлектроніка і лазерная тэхніка» у форме самастойнай юрыдычнай асобы.
З 01.01.2016 ў адпаведнасці з Пастановай Бюро Прэзідыума "Аб перадачы структурных падраздзяленняў Інстытута фізікі НАН Беларусі ў ДНВА «Оптыка, оптаэлектроніка і лазерная тэхніка» ад 16.02.2015 № 51 у склад Аб’яднання былі ўключаны 4 навуковыя лабараторыі Інстытута фізікі НАН Беларусі, акрамя таго ў Таварыстве была створана новая лабараторыя оптыка-электроннага прыборабудавання.
Сучасны склад[правіць | правіць зыходнік]
У склад Аб’яднання ўваходзяць наступныя юрыдычныя асобы:
- Інстытут фізікі імя Б. І. Сцяпанава НАН Беларусі
- Цэнтр святлодыёдных і оптаэлектронных тэхналогій НАН Беларусі
- Цэнтр геафізічнага маніторынгу НАН Беларусі
- Прыватнае навукова-вытворчае ўнітарнае прадпрыемства «Девелоп груп»
Уласныя лабараторыі[правіць | правіць зыходнік]
- радыёфатонікі
- фотаэлектронікі
- оптыка-электроннага прыборабудавання
- мікра- і нанасэнсорыкі
- рабатызаваных сістэм
Дзейнасць[правіць | правіць зыходнік]
Аб’яднанне развівае навукова-тэхнічнае супрацоўніцтва з арганізацыямі і прадпрыемствамі Рэспублікі Беларусь, якія працуюць у вобласці мікра-, опта- і ЗВЧ-электронікі. З гэтай мэтай у лютым 2017 года створаны кластар «Мікра-, опта- і ЗВЧ-электроніка».
У склад кластара ўключаны:
- ДНВА «Оптыка, оптаэлектроніка і лазерная тэхніка»
- Інстытут фізікі імя Б. І. Сцяпанава НАН Беларусі
- Навукова-практычны цэнтр НАН Беларусі па матэрыялазнаўстве
- ААТ «Інтэграл»
- ААТ «Планар»
- ААТ «Мінскі НДІ радыёматэрыялаў»
- Беларускі дзяржаўны універсітэт
- Беларускі дзяржаўны ўніверсітэт інфарматыкі і радыёэлектронікі
- Беларускі нацыянальны тэхнічны універсітэт
