Дзікабразавыя

Дзікабразавыя
Дзікабраз індыйскі (Hystrix indica)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Euarchontoglires Грандатрад:  Glires Атрад:  Грызуны Падатрад:  Hystricomorpha Сямейства:  Дзікабразавыя
Міжнародная навуковая назва
Hystricidae Fischer, 1817
Выявы на Вікісховішчы ITIS   584571 NCBI   10135 EOL   8696 FW   42009

Дзікабра́завыя (Hystricidae) — сямейства грызуноў.

Апісанне

Іголкі дзікабраза

Даўжыня цела да 103 см, хваста да 45 см, маса да 27 кг. Цела ўкрыта тоўстымі вострымі іголкамі (даўжыня на загрыўку да 40 см) і цвёрдым шчаціннем. Афарбоўка цела чарнаватая, бураватая, карычневая з жоўгымі або белымі палосамі на іголках і валасах.

Пашырэнне

Адрозніваецца 4-5 родаў, звыш 11 відаў. Пашыраны ў Афрыцы, Паўднёвай Еўропе, Пярэдняй, Сярэдняй і Паўднёвай Азіі. Жывуць у пустынных, горных, перадгорных раёнах. Найбольш вядомы дзікабраз індыйскі (Hystrix indica).

Асаблівасці біялогіі

Корм раслінны. Нараджаюць 1—4 дзіцянят.

Літаратура

• Дзікабразы // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).