Дзімітрыяс Хрыстадулу

Дзімітрыяс Хрыстадулу
Дата нараджэння	19 кастрычніка 1951(1951-10-19) (72 гады)
Месца нараджэння	Афіны, Каралеўства Грэцыя
Грамадзянства	ЗША  Грэцыя
Род дзейнасці	матэматык, фізік, выкладчык універсітэта
Навуковая сфера	матэматыка
Месца працы	Прынстанскі ўніверсітэт Нью-Ёркскі ўніверсітэт Сірак’юскі ўніверсітэт Швейцарская вышэйшая тэхнічная школа Цюрыха
Навуковая ступень	доктарская ступень[d]
Альма-матар	Прынстанскі ўніверсітэт
Навуковы кіраўнік	Джон Арчыбальд Уілер і Remo Ruffini[d]
Вядомыя вучні	Яганес Заўтэр[d] і Шуан Міяо[d]
Член у	Нацыянальная акадэмія навук ЗША Амерыканская акадэмія мастацтваў і навук Еўрапейская акадэмія[d] Амерыканскае матэматычнае таварыства
Узнагароды	грант Гугенхайма стыпендыя Мак-Артура прэмія Томала[d] (2008) ганаровы доктар навук[d] (28 мая 2001) Прэмія імя М. Бохера[d] (1999, 1999) прэмія Шаа[d] (2011) прэмія Шаа ў галіне матэматычных навук[d] (2011) прэмія Марселя Гросмана[d] (2021)
Медыяфайлы на Вікісховішчы

Дзімітрыяс Хрыстадулу (грэч. Δημήτριος Χριστοδούλου; нар. 19 кастрычніка 1951) — грэчаскі матэматык і фізік, вядомы сваімі дасягненнямі ў галіне тэорыі нелінейных ураўненняў матэматычнай фізікі, у прыватнасці, доказам нелінейнай стабільнасці прасторы Мінкоўскага ў агульнай тэорыі адноснасці без касмалагічнага члена (разам з Серджыу Клайнерманам), і доказам устойлівасці фармавання пасткавых паверхняў, а такім чынам, чорных дзір і гравітацыйных сінгулярнасцей, пры эвалюцыі прасторы-часу. З’яўляецца таксама адным з аўтараў канцэпцыі непрыводнай масы чорнай дзіркі.

Біяграфія

Хрыстадулу нарадзіўся ў Афінах, а ступень PhD атрымаў у Прынстанскім універсітэце ў 1971 годзе пад навуковым кіраўніцтвам Джона Арчыбальда Уілера. У 1971—1972 гадах працаваў у Калтэху, у 1972—1973 гадах быў прафесарам фізікі ў Афінскім універсітэце. У 1973—1974 гадах быў запрошаны ў CERN, а ў 1975—1976 гадах — у Міжнародным цэнтры тэарэтычнай фізікі ў Трыесце. З 1976 па 1981 гады Хрыстадолу — атрымальнік стыпендыі Гумбальта ў Інстытуце Макса Планка ў Мюнхене, а ў 1981—1983 гадах — запрошаны член Курантаўскага інстытута, затым, у 1983—1985 гадах — прафесер фізікі ў Сіракузскім універсітэце. У 1985—1987 гадах — прафесар матэматыкі там жа. З 1988 па 1992 гады — прафесар матэматыкі Курантаўскага інстытута, затым па 2001 год — Прынстанскага ўніверсітэта. З 2016 года працуе прафесарам матэматыкі і фізікі ў Швейцарскай вышэйшай тэхнічнай школе Цюрыха.

Мае падвойнае грамадзянства: Грэцыі і ЗША.