Дом «Ля Чорнай Маці Божай»
| Славутасць | |
| Дом «Ля Чорнай Маці Божай» | |
|---|---|
 | |
| 50°05′13″ пн. ш. 14°25′32″ у. д.HGЯO | |
| Краіна | |
| Месцазнаходжанне | |
| Архітэктурны стыль | мадэрн і кубізм[2] |
| Архітэктар | Ёсеф Гочар[d] |
| Дата заснавання | 1912 |
 |
|
 Медыяфайлы на Вікісховішчы | |
Дом «Ля Чорнай Маці Божай» (чэшск.: Dům U Černé Matky Boží) — будынак у стылі кубізм, размешчаны ў цэнтры Прагі паміж плошчай «Агароднінны рынак» і вуліцай Цэлетна каля Парахавой вежы, збудаваны ў 1911—12 гадах для купца Францішка Хербста архітэктарам Іозефам Гочарам. Аб'ект атрымаў сваю назву ў гонар статуі, якая стаяла на гэтым месцы каля барочнага дома раней.
Гэта першы прыклад ужыцця кубізму ў архітэктуры ў Чэхіі, на аснове якога склаўся характэрны стыль. Першапачатковы варыянт праекта быў занадта наватарскім. Было прад'яўлена патрабаванне, каб будынак спалучаўся з суседняй гістарычнай забудовай. Тады архітэктар перапрацаваў праект, выкарыстаўшы старыя барочныя элементы ў новай форме, асабліва гэта выявілася ў паддашкавых вокнах, таксама ў дэкоры калон, якія па-новаму тлумачаць іанічны ордар.
Архітэктар выкарыстоўваў жалезабетонны каркас па прыкладзе Чыкагскай школы, таму былі створаны шырокія ўнутраныя прасторы. Арыгінальны інтэр'ер — амаль адзіны захаваны кубічны інтэр'ер у свеце.
Многія гады ў будынку размяшчаўся музей кубізму, аднак з 2012 года ён быў быў закрыты з-за недахопу сродкаў. У 2010 годзе будынак унесены ў спіс Нацыянальных помнікаў культуры Чэхіі[3].
Зноскі
- ↑ а б archINFORM — 1994. Праверана 31 ліпеня 2018.
- ↑ Památkový katalog NPÚ Праверана 14 лютага 2019.
- ↑ Афіцыйны сэрвіс NPU(недаступная спасылка). Архівавана з першакрыніцы 16 красавіка 2014. Праверана 14 жніўня 2014.
Спасылкі
[правіць | правіць зыходнік]
На Вікісховішчы ёсць медыяфайлы па тэме Дом «Ля Чорнай Маці Божай»
