Дом па Камуністычным завулку, 3 (Магілёў)
Славутасць | |
Дом па Камуністычным завулку, 3 | |
---|---|
53°54′01″ пн. ш. 30°19′54″ у. д.HGЯO | |
Краіна | |
Месцазнаходжанне | |
Статус | Гісторыка-культурная каштоўнасць Беларусі, шыфр 512Е000001 |
Медыяфайлы на Вікісховішчы |
Дом па Камуністычным завулку, 3 — будынак у гістарычным цэнтры Магілёва.
Гісторыя[правіць | правіць зыходнік]
Пабудаваны ў пачатку ХХ ст. на скрыжаванні Пішчыкава завулка з Макавецкім завулкам як жылы даходны дом. Нацыяналізаваны і ўзяты на ўлік Гарадскім жыллёвым камітэтам у 1924 г., выкарыстоўваўся ў ведамстве Гаржылкамунгаса як камунальнае жытло[1].
Будынак быў значна пашкоджаны падчас баявых дзеянняў у Вялікую Айчынную вайну. Пасля аднаўленчых работ канца 1940-х — пачатку 1950-х гг. у будынку была размешчана пажарная частка. Да бакавых фасадаў у 1952 г. зроблены прыбудовы[1].
З 1957 г. у будынку размяшчаўся абласны савет Беларускага добраахвотнага пажарнага таварыства. З 4 лютага 2008 г. і па цяперашні час — належыць РДГА «Беларускае добраахвотнае пажарнае таварыства». У 2006—2007 гг. быў праведзены касметычны рамонт будынка ўласнымі сіламі Камбіната супрацьпажарных работ[1].
Архітэктура[правіць | правіць зыходнік]
Помнік архітэктуры эклектызму. Сіметрычны двухпавярховы мураваны з цэглы, прамавугольны ў плане будынак з сутарэннем. Дах вальмавы. Першапачаткова сцены выкладзеныя з чырвонай цэглы, неатынкаваныя. Сцены прарэзаны прамавугольнымі аконнымі лучковымі праёмамі з фігурнымі ліштвамі, аздоблены падаконнымі цягамі. Паверхі падзелены прафіляваным гзымсавым паяском, на другім паверсе — прафіляваны гзымс[1].
Унутраная планіроўка першапачаткова калідорнага тыпу. Сучасная планіроўка зменена. Сцены атынкаваныя і пафарбаваныя[1].
Зноскі
- ↑ а б в г д kropki.by — інтэрактыўная мапа Магілёва(недаступная спасылка). Архівавана з першакрыніцы 10 верасня 2022. Праверана 28 ліпеня 2022.
Спасылкі[правіць | правіць зыходнік]
- На Вікісховішчы ёсць медыяфайлы па тэме Дом па Камуністычным завулку, 3 (Магілёў)