Дом па Ленінскай вуліцы, 22 (Магілёў)

З пляцоўкі Вікіпедыя
Jump to navigation Jump to search
Славутасць
Дом па Ленінскай вуліцы, 22
Магілёў. Вуліца Ленінская, 22.jpg
53°53′54,1″ пн. ш. 30°20′11,65″ у. д.HGЯO
Краіна Беларусь
Горад Магілёў
Будаўніцтва канец XIX—пачатак XX
Статус Ахоўная шыльда гісторыка-культурнай каштоўнасці Рэспублікі Беларусь. Гісторыка-культурная каштоўнасць Беларусі, шыфр 513Е000001шыфр 513Е000001

Дом па Ленінскай вуліцы, 22 — будынак у гістарычным цэнтры Магілёва. Пабудаваны ў канцы XIX — пачатку XX ст. з цэглы як жылы.

Архітэктура[правіць | правіць зыходнік]

Уяўляе сабой трохпавярховы Т-падобны ў плане будынак, які галоўным фасадам выходзіць на вул. Ленінскую. На першым і другім паверхах аконныя праёмы прамавугольныя, на трэцім — паўцыркульныя з ліштвамі. На першым паверсе рэстаран, другі і трэці выкарыстоўваюцца пад жыллё.

Мемарыяльная дошка[правіць | правіць зыходнік]

  • Мемарыяльная дошка ў памяць аб дзейнасці падпольнай бібліятэкі групы праўдзістаў. Устаноўлена ў 1962 г. У 1912 г. у Магілёве адбыўся арганізацыйны сход групы актывістаў «Правды» (50 чалавек). Па ім было выбрана бюро з 5 чалавек, кіраўнік бальшавік А. І. Чарніцкі. Група арганізоўвала стачкі і мітынгі, стварала гурткі па вывучэнні марксізму, скамплектавала падпольную бібліятэку, якая размяшчалася ў падвале дома 22, дзе на той час была сталярная майстэрня. У бібліятэцы налічвалася 2 тыс. кніг і брашур, творы К. Маркса, Ф. Энгельса, У. І. Леніна. Праўдзісцкая група трымала сувязь з А. Я. Бадаевым, дэпутатам фракцыі бальшавікоў IV Дзяржаўнай думы, інфармавала пра становішча на прадпрыемствах горада, па яго даручэнні вяла палітычную работу сярод працоўных, растлумачвала ім дзейнасць бальшавіцкай фракцыі ў думе.

Зноскі

Літаратура[правіць | правіць зыходнік]

Спасылкі[правіць | правіць зыходнік]

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.