Дом па вуліцы Карла Маркса, 60 (Брэст)

Дом па вуліцы Карла Маркса, 60
	Славутасць
Дом па вуліцы Карла Маркса, 60
	; Фасад па вул. Будзённага
	52°05′25″ пн. ш. 23°41′21″ у. д.HGЯO
Краіна	Беларусь;
Месцазнаходжанне	Брэст;
Дата пабудовы	1900-я
Статус	Гісторыка-культурная каштоўнасць Беларусі, шыфр 112Е000002шыфр 112Е000002

Дом па вуліцы Карла Маркса, 60 — будынак у Брэсце, размешчаны ў гістарычным цэнтры горада, на рагу з вуліцай Будзённага. Разам з дамамі № 43, 53, 55, 57, 66 і 70 утварае ансамбль.

Гісторыя[правіць | правіць зыходнік]

Гасцініца «Брысталь» у пачатку XX стагоддзя

Праект яго будаўніцтва быў зацверджаны Брэсцкай гарадской управай 3 верасня 1903 года^[1]. Пабудаваны з цэглы вядомым брэсцкім купцом Аронам Фогелем і з’яўляўся своеасаблівым культурным цэнтрам горада. У адным крыле размяшчалася гасцініца «Брысталь», у іншым першы паверх займаў рэстаран, а другі — зімовы тэатр, які функцыянаваў круглы год^[2].

З 1920-х гадоў у будынку ў розны час размяшчаліся жылы дом, грамадскія арганізацыі, школа, Брэсцкае педагагічнае вучылішча (да 1957 года), факультэт пачатковай адукацыі і філалагічны факультэт Брэсцкага дзяржаўнага педагагічнага інстытута імя А. С. Пушкіна^[1].

У 1990 годзе ў будынак перададзены Брэсцкаму абласному краязнаўчаму музею, які адкрыўся 6 мая 1995 года, пасля завяршэння рамонтна-рэстаўрацыйных работ^[3].

Архітэктура[правіць | правіць зыходнік]

Уяўляе сабой двухпавярховы будынак са складаным планам і сіметрычным фасадам. Дэкаратыўная аздоба і пластыка галоўнага фасада вырашана ў тых жа формах, што і папярэдніх дамоў (неглыбокія рызаліты, міжпаверхавы карнізны паясок, руставаныя лапаткі і дэкаратыўныя сандрыкі). Над уваходам двухсхільны брыль на ажурных кранштэйнах (чыгуннае ліццё). Тарцовыя фасады завершаны трохвугольнымі франтонамі з паўцыркульнымі праёмамі ў тымпанах.

Зноскі

Літаратура[правіць | правіць зыходнік]

27. Забудова вуліцы Карла Маркса // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — 368 с., іл.

Спасылкі[правіць | правіць зыходнік]

На Вікісховішчы пакуль няма медыяфайлаў па тэме, але Вы можаце загрузіць іх

[museums-1] а ^б Брестский областной краеведческий музей

[2] ул. К. Маркса, Брест — прошлое и настоящее. 20 Марта 2013

[3] История музея Архівавана 17 чэрвеня 2019.

[1]

[2]

[3]