Дом па вуліцы Суворава, 34/23 (Віцебск)

Славутасць
Дом па вуліцы Суворава, 34/23
Фасад па Савецкай вуліцы
55°11′58″ пн. ш. 30°12′15″ у. д.
Краіна	Беларусь
Месцазнаходжанне	Віцебск
Архітэктурны стыль	канструктывізм[d]
Архітэктар	Васіль Георгіевіч Вукалаў
Будаўніцтва	1927—1932 гады
Статус	Гісторыка-культурная каштоўнасць Беларусі, шыфр 213Г000083
Медыяфайлы на Вікісховішчы

3-і камунальны дом — жылы дом у Віцебску, размешчаны на Узгорскай слабадзе, на рагу вуліц Суворава (№ 34) і Савецкай (№ 23).

Дом у 1940 годзе

Пабудаваны ў 1927—1932 гадах з цэглы і дрэва па праекце Васіля Вукалава.

Архітэктура

Дом у 2015 годзе

План дома камунальнага тыпу

Чатырохпавярховы П-падобны ў плане будынак. Камунальны дом прызначаўся для маласямейных і адзінокіх. Складаецца з 6 двухкватэрных секцый з лесвічнымі клеткамі і адной секцыі з калідорнай планіроўкай. Кватэры маюць па 3 і 4 пакоі, плошча якіх ад 10 да 24 м², кухню плошчай ад 7 да 10 м², санітарны вузел. У секцыі з калідорнай планіроўкай на кожным паверсе 11 жылых пакояў, 2 агульныя кухні, умывальні, пакой для заняткаў і адпачынку. У цокальным паверсе камунальна-бытавыя памяшканні. У працэсе эксплуатацыі дома праведзена некалькі рэканструкцый кватэр, якія закранулі ўнутраную планіроўку. Архітэктурнае аблічча будынка стрыманае, без дэкаратыўных дэталей. Выразнасць фасадаў дасягаецца рытмічнай групоўкай акон, падзеленых вертыкальным чляненнем паўлоджый, заглыбленых на таўшчыню сцен.

Літаратура

• 22. Забудова вуліцы Суворава // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — 496 с., іл.

Спасылкі

• На Вікісховішчы ёсць медыяфайлы па тэме Дом па вуліцы Суворава, 34/23 (Віцебск)