Дом па праспекце Незалежнасці, 14

Славутасць
Дом па праспекце Незалежнасці, 14
53°53′52″ пн. ш. 27°33′15″ у. д.
Краіна	Беларусь
Горад	Мінск
Архітэктурны стыль	Сталінскі ампір
Архітэктар	Міхаіл Паўлавіч Паруснікаў
Будаўніцтва	1947—1951 гады
Статус	Гісторыка-культурная каштоўнасць Беларусі, шыфр 712Г000163
Медыяфайлы на Вікісховішчы

Дом па праспекце Незалежнасці, 14 — жылы дом у Мінску. Помнік савецкай грамадзянскай архітэктуры з выкарыстаннем класіцыстычнай спадчыны.

Пабудаваны ў 1947—1951 гг. (архіт. М. Паруснікаў) з цэглы.

Архітэктура

Праспект Незалежнасці. Дом № 14 справа

Размешчаны з водступам ад «чырвонай лініі» забудовы ў глыбіні курданёра. Уяўляе сабой прамавугольны ў плане, шасціпавярховы 45-кватэрны будынак. 1-ы паверх заняты прадпрыемствамі гандлю і бытавога абслугоўвання. Галоўны фасад мае эркеры на вышыню 5 паверхаў і балконы з карынфскімі капітэлямі. Вокны 1-га і 6-га паверхаў паўцыркульныя, астатніх — прамавугольныя. Фасад завершаны высокім парапетам, дэкарыраваны пад руст. Верхнія паверхі дэкарыраваны карнізнымі цягамі, пілястрамі, абрамленнямі акон, арачкамі, гірляндамі і разеткамі. У аснове планіроўкі жылых паверхаў 3 тыпавыя секцыі (архіт. С. Кавыкоў), трох- і чатырохпакаёвыя кватэры.

Літаратура

• 158д.  // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.