Драгуцін Гаранавіч-Крамбергер

Драгуцін Гаранавіч-Крамбергер
харв.: Dragutin Gorjanović-Kramberger
бюст навукоўца ў Крапіне
Дата нараджэння	25 кастрычніка 1856(1856-10-25)
Месца нараджэння	Заграб, Каралеўства Харватыя, Габсбургская манархія
Дата смерці	24 снежня 1936(1936-12-24) (80 гадоў)
Месца смерці	Заграб, Саўская банавіна, Каралеўства Югаславія
Месца пахавання	Мірагай[d]
Грамадзянства	Аўстра-Венгрыя
Род дзейнасці	антраполаг, палеантолаг, археолаг, выкладчык універсітэта
Навуковая сфера	геалогія, палеанталогія, антрапалогія
Месца працы	Заграбскі ўніверсітэт
Альма-матар	Цюбінгенскі ўніверсітэт Заграбскі ўніверсітэт
Вядомы як	апісаў Крапінскага неандэртальца
Член у	Сербская акадэмія навук і мастацтваў Харвацкая акадэмія навук і мастацтваў
Медыяфайлы на Вікісховішчы

Драгуцін Гаранавіч-Крамбергер (харв.: Dragutin Gorjanović-Kramberger, 25 кастрычніка 1856, Заграб — 22 снежня 1936, Заграб) — харвацкі геолаг, палеантолаг і антраполаг.

Біяграфія

Вывучаў палеанталогію ў Цюрыху і Мюнхене, атрымаў доктарскую ступень у Цюбінгене ў 1879 годзе, яго дысертацыя была прысвечана акамянеласцям рыб. Пазней курыраваў аддзел мінералогіі і геалогіі Харвацкага нацыянальнага музея, цяпер вядомага як Харвацкі прыродазнаўчы музей (харв.: Hrvatski prirodoslovni muzej).

З 1883 па 1924 гады — супрацоўнік Заграбскага ўніверсітэта, з 1893 года ўзначальваў факультэт геалогіі і палеанталогіі. Яго навуковая дзейнасць ахоплівае палеанталогію, стратыграфію, тэктоніку, палеакліматалогію, гідраграфію, прыкладную геалогію і геалагічнае картаграфаванне (са сваім настаўнікам Дурам Піларам картаграфаваў гару Медзведніца).

У 1909 годзе заснаваў Геалагічнае таварыства Харватыі і Славоніі (харв.: Geološko povjerenstvo za Hrvatsku i Slavoniju), а ў 1911 годзе — часопіс, які выдаваўся таварыствам (харв.: Vijesti geološkog povjerenstva). Член Харвацкай акадэміі навук і мастацтваў з 1909 года.

У 1899 годзе здзейсніў важнае адкрыццё, выявіўшы каля горада Крапіна буйное скопішча рэштак дагістарычных людзей (так званы «крапінскі неандэрталец», першапачаткова названы Гаранавічам Homo primigenius). Дзякуючы дэталёваму вывучэнню знойдзеных шкілетаў лічыцца заснавальнікам сучаснай палеаантрапалогіі. Аўтар больш за 230 прац у харвацкіх і міжнародных часопісах, сярод якіх можна вылучыць манаграфію «Diluvijalni čovjek iz Krapine u Hrvatskoj» (1905) і яе пашыранае перавыданне «Život i kultura diluvijalnog čovjeka iz Krapine u Hrvatskoj» (1913).

Спасылкі

• На Вікісховішчы ёсць медыяфайлы па тэме Драгуцін Гаранавіч-Крамбергер