Дрыжнік вялікі

Дрыжнік вялікі
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Pooideae Трыба:  Poeae Падтрыба:  Brizinae Род:  Дрыжнік (Briza L.) Від:  Дрыжнік вялікі
Міжнародная навуковая назва
Briza maxima L.
Сінонімы
Macrobriza maxima (L.) Tzvel.
Сістэматыка на Віківідах Выявы на Вікісховішчы ITIS   41529 NCBI   29665 EOL   1114041 GRIN   t:7725 IPNI   393293-1 TPL   kew-400234

Дры́жнік вялікі (Briza maxima) — від кветкавых раслін роду Дрыжнік (Briza) сямейства Метлюжковыя (Poaceae).

Батанічнае апісанне

Батанічная ілюстрацыя з кнігі У. Кёртыса «Curtis’s Botanical Magazine», 1787

Аднагадовая травяністая расліна вышынёй 20—60 см з валасістым каранямі і галінастымі ад асновы сцёбламі. Лісце простае, лінейна-ланцэтнай формы, з гладкім краем, шурпатае зверху, сядзячае, чаргаванае па даўжыні сцябла. Каласкі яйцападобнай формы, складзеныя з 5—20 кветак, пукатыя, з залаціста-ружовым потым бураватым адценнем, сабраныя у мяцёлку. Плод — зярняўка.

Распаўсюджанне і экалогія

Радзімай расліны лічыцца Міжземнамор’е. Як заносная, сустракаецца ў іншых рэгіёнах. На тэрыторыі Беларусі інтрадуктавана ў 1940-я гады ў Цэнтральным батанічным садзе Акадэміі навук БССР. Цвіце ў ліпені. Зімаўстойлівы від. Выкарыстоўваецца ў якасці дэкаратыўнай.

Літаратура

• Кім Г. А., Пашына Г. В. Дрыжнік // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 217.

Спасылкі

• Трясунка большая — Briza maxima: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Briza maxima L. // ООПТ России (руск.)
• Herbarium of Vascular Plants of the Komarov Botanical Institute (LE) (англ.)