Дубра
- Не блытаць з возера Дубраўскае
| Дубра | |
|---|---|
| Морфаметрыя | |
| Вышыня над узроўнем мора | 131,4[1] м |
| Даўжыня | 2,22 км |
| Шырыня | 0,71 км |
| Плошча | 1,06 км² |
| Аб’ём | 0,0021 км³ |
| Даўжыня берагавой лініі | 6,1 км |
| Найбольшая глыбіня | 2,9 м |
| Сярэдняя глыбіня | 1,9 м |
| Гідралогія | |
| Тып мінералізацыі | прэснае |
| Салёнасць | 0,16 ‰ |
| Празрыстасць | 1,1 м |
| Басейн | |
| Плошча вадазбору | 19,3 км² |
| Упадаюць | пратока |
| Выцякаюць | пратока |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Дубра |
|
|
|
|
 Дубра |
|
 |
|
Ду́бра — возера ў Беларусі, у Браслаўскім раёне Віцебскай вобласці ў басейне ракі Абабіца, за 17 км на паўночны ўсход ад горада Браслаў, каля вёскі Дундзеры. Належыць да Абабіцкай групы азёр і знаходзіцца на тэрыторыі Нацыянальнага парка «Браслаўскія азёры».
Плошча паверхні возера складае 1,06 км². Даўжыня 2,22 км. Найбольшая шырыня 0,71 км, даўжыня берагавой лініі 6,1 км. Найбольшая глыбіня 2,9 м, сярэдняя 1,9 м. Аб′ём вады 2,1 млн м³. Плошча вадазбору 19,3 км².
Катлавіна возера тэрмакарставага тыпу выцягнутая з паўночнага ўсходу на паўднёвы захад. Схілы катлавіны спадзістыя вышынёй да 3 м, пад лугам. Уздоўж паўночна-ўсходняга берага парослая хваёвым лесам пясчаная озавая града вышынёй да 9 м. Берагавая лінія звілістая. Берагі нізкія, у залівах забалочаныя, тарфяністыя, 2 астравы агульнай плошчай 0,7 га. Уздоўж берагоў пойма шырынёй ад 5—10 да 250—300 м. Мелкаводдзе да глыбіні 0,5—1 м (акрамя заліваў) пясчанае. Большая частка дна возера выслана слоем крэменязёмістага сапрапелю. Возера слабапраточнае. Упадае пратока з возера Берца, выцякае пратока ў возера Абаб’е. Надводная расліннасць утварае палосу шырынёй да 25 м, залівы зарастаюць падводнай расліннасцю поўнасцю.
У возеры водзяцца шчупак, акунь, лінь, карась, плотка, краснапёрка і іншыя віды рыб.
Зноскі
- ↑ Ліст карты N-35-07. Выданне 1984 года. Стан мясцовасці на 1982 год. (руск.)
Літаратура[правіць | правіць зыходнік]
- Курловіч М. М. Дубра // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 9. — 72 с. — 10 000 экз. — ISBN 978-985-508-136-5. (руск.)