Дыксан Афааква

З пляцоўкі Вікіпедыя
Футбол
Дыксан Афааква
Нарадзіўся 26 красавіка 1998(1998-04-26)[1] (24 гады)
Грамадзянства Flag of Ghana.svg Гана
Рост 175 см
Вага 66 кг
Пазіцыя нападнік
Інфармацыя пра клуб
Клуб Гана Асантэ Катока
Нумар 20
Клубная кар’ера[* 1]
0000—2016 Гана Кумасі Карнерстон
2016—2018 Беларусь Дынама (Брэст) 18 (2)
2017   Беларусь Гомель 14 (1)
2018—2019 Славенія Трыглаў (Крань) 14 (2)
2019 Паўднёва-Афрыканская Рэспубліка Стэленбос 4 (0)
2021— Гана Асантэ Катока
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 12 снежня 2021.

Дыксан Афааква (англ.: Dickson Afoakwa; нар. 26 красавіка 1998, Кумасі, Гана) — ганскі футбаліст, нападнік клуба «Асантэ Катока».

Клубная кар’ера[правіць | правіць зыходнік]

Да 2016 года выступаў у другім дывізіёне Ганы за клуб «Кумасі Карнерстон» з роднага горада Кумасі. У ліпені 2016 года стаў іграком беларускага клуба «Дынама-Брэст»[2]. Спачатку гуляў за дубль, але неўзабаве замацаваўся ў асноўнай камандзе, дзе стаў звычайна выхадзіць на замену. 10 верасня 2016 года забіў свой першы гол у Вышэйшай лізе, якім завяршыў разгром «Славіі» (4:1), а 21 верасня забіў пераможны гол у матчы Кубка Беларусі супраць «Нафтана» (2:1).

У лістападзе 2016 года праходзіў прагляд у моладзевай камандзе маскоўскага «Спартака», аднак у выніку вярнуўся ў Брэст[3]. У ліпені 2017 года на правах арэнды перайшоў у «Гомель»[4]. Спачатку выступаў у стартавым складзе гомельскай каманды, пазней стаў часцей выхадзіць на замену. У снежні 2017 года па заканчэнні тэрміну арэнды вярнуўся ў «Дынама»[5].

У студзені 2018 года разам з брэсцкай камандай адправіўся на першы турэцкі збор, але на другі збор ужо не трапіў і стаў шукаць новую каманду. Неўзабаве адправіўся на прагляд у «Александрыю», у лютым «Дынама» абвясціла аб гадавой арэндзе футбаліста, аднак хутка ўкраінскі клуб абверг інфармацыю аб арэндзе[6]. У выніку ў красавіку 2018 года быў заяўлены за «Дынама» ў чэмпіянат Беларусі, выступаў у асноўным за дубль, правёў за галоўную каманду толькі 15 хвілін на полі. У ліпені 2018 года па пагадненні бакоў пакінуў беларускі клуб[7] і неўзабаве перайшоў у славенскі клуб «Трыглаў»[8]. Пакінуў «Трыглаў» у лютым 2019 года.

У ліпені 2019 года далучыўся да паўднёваафрыканскага клуба «Стэленбос», гуляў там да канца года. У кастрычніку 2021 года ўладкаваўся ў ганскім клубе «Асантэ Катока».

Дасягненні[правіць | правіць зыходнік]

Зноскі