Дэйв Батыста

Дэйв Батыста
англ.: Dave Bautista
Дата нараджэння	18 студзеня 1969(1969-01-18) (56 гадоў)
Месца нараджэння	Вашынгтон, акруга Калумбія, ЗША
Грамадзянства	ЗША
Адукацыя	Wakefield High School[d]
Прафесія	сцэнарыст, прафесійны рэслер, акцёр, кінапрадзюсар, баец змяшаных адзінаборстваў, спартсмен
IMDb	ID 1176985
Медыяфайлы на Вікісховішчы

Дэвід Майкл Батыста-малодшы (англ.: David Michael Bautista Jr., нар. 18 студзеня 1969, Вашынгтон) — амерыканскі акцёр, у мінулым рэстлер і культурыст, які атрымаў вядомасць сваімі выступамі ў WWE пад імем Батыста (англ.: Batista) з 2002 па 2010. год, у 2014 годзе і апошні раз у 2018—2019 гадах. За межамі рэстлінгу ён вядомы сваёй акцёрскай кар’ерай, найбольш вядомы як Сапер Мортан у фільме «Бягун па лязе 2049» і Глосу Рабан у серыі фільмаў «Дзюна».

Батыста пачаў сваю кар’еру рэстлера ў 1999 годзе, а ў 2000 годзе падпісаў кантракт з World Wrestling Federation (WWF, у 2002 годзе перайменавана ў WWE). З 2002 па 2010 год ён праславіўся пад імем Батыста і стаў шасціразовым чэмпіёнам свету, выйграўшы чатыры разы тытул чэмпіёна свету ў цяжкай вазе і двойчы тытул чэмпіёна WWE. Яго першая заваёва тытула чэмпіёна свету ў цяжкай вазе з’яўляецца самай працяглай — 282 дні. Ён таксама тройчы станавіўся камандным чэмпіёнам свету (двойчы з Рыкам Флэрам і адзін раз з Джонам Сіна) і адзін раз камандным чэмпіёнам WWE (з Рэем Містэрыа). У 2005 годзе ён стаў пераможцам матчу «Каралеўская бітва» і стаў хэдлайнерам WrestleMania 21, які ўвайшоў у пяцёрку самых касавых pay-per-view у гісторыі рэстлінгу. Пасля сыходу з WWE у 2010 годзе ён зноў падпісаў кантракт у снежні 2013 года, а ў студзені 2014 года ўпершыню выйшаў на рынг і выйграў матч «Каралеўскую бітву» таго года. Ён стаў хэдлайнерам WrestleMania XXX, пасля чаго зноў пакінуў кампанію ў чэрвені таго ж года. У кастрычніку 2018 года Батыста здзейсніў сваё другое вяртанне ў WWE і сустрэўся з Трыпл Эйчам на WrestleMania 35 у красавіку 2019 года, пасля чаго сышоў з рэстлінгу.

У якасці акцёра Батыста зняўся ў такіх фільмах, як «Жалезны кулак» (2012), «Рыдзік» (2013), «007: Спектр» (2015), «Бягун па лязе 2049» (2017), «Армія мерцвякоў», «Дзюна» (2021), «Нажы вонкі: Шкляная цыбуліна» (2022), а таксама серыях кінематаграфічнага сусвету Marvel (2014—2023) і «План уцёкаў» (2018—2019).