Дэльфінавыя

Дэльфінавыя
Афаліна — Tursiops truncatus
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чатырохногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Кітападобныя Падатрад:  Зубатыя кіты Сямейства:  Дэльфінавыя
Міжнародная навуковая назва
Delphinidae Gray, 1821
Сістэматыка на Віківідах Выявы на Вікісховішчы ITIS   180415 NCBI   9726 EOL   7659 FW   42953

Дэльфінавыя, дэльфі́ны (Delphinidae) — сямейства марскіх млекакормячых. Уключае большасць відаў кітападобных. Пашыраны амаль ва ўсіх морах.

Апісанне

Даўжыня цела 1—10 м, маса да 8 т. У большасці ёсць спінны плаўнік, морда выцягнута ў «дзюбу», зубы шматлікія (больш за 70). Хваставы плаўнік гарызантальны, двухлопасцевы. Скура голая, рознага колеру. Дэльфіны добра арыентуюцца ў вадзе з дапамогай эхалакацыі і слыху (успрымаюць ваганні ад некалькіх дзесяткаў Гц да 200 кГц). Маюць складаную галасавую сігналізацыю і гукасігнальны (эхалакацыйны) орган, добра развіта цэнтральная нервовая сістэма: галаўны мозг вялікі, шарападобны, вялікія паўшар’і са шматлікімі звілінамі.

Асаблівасці біялогіі

Палавая спеласць у З—5 гадоў. Нараджаюць 1 дзіцяня. Кормяцца рыбай, галаваногімі малюскамі, ракападобнымі. Здольныя да гукапераймання.

Аб’екты спецыяльных даследаванняў. Лёгка дрэсіруюцца, утрымліваюцца ў акіянарыумах (дэльфінарыях), дзе могуць размнажацца.

Гл. таксама

• Дэльфіны

Літаратура

• Дэльфіны // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).