Перайсці да зместу

Дэміс Хасабіс

З Вікіпедыі, свабоднай энцыклапедыі
Дэміс Хасабіс
англ.: Demis Hassabis
Дата нараджэння 27 ліпеня 1976(1976-07-27)[1] (49 гадоў) ці 1976[2]
Месца нараджэння
Грамадзянства
Род дзейнасці інжынер, шахматыст, даследчык штучнага інтэлекту, спецыяліст у галіне інфарматыкі, game programmer, гулец у покер, data scientist, бізнесмен, video game developer, technology entrepreneur, распрацоўшчык праграмнага забеспячэння, нейрабіёлаг, прадпрымальнік
Навуковая сфера інфарматыка[3], ШІ[3] і прадпрымальніцтва[3]
Месца працы
Альма-матар
Навуковы кіраўнік Eleanor A. Maguire[d]
Член у
Узнагароды
Лагатып Вікіцытатніка Цытаты ў Вікіцытатніку
Лагатып Вікісховішча Медыяфайлы на Вікісховішчы

Дэміс Хасабіс (англ.: Demis Hassabis; нар. 27 ліпеня 1976(1976-07-27)[1] ці 1976[2], Лондан) — брытанскі даследчык штучнага інтэлекту, нейрабіёлаг, распрацоўшчык камп’ютарных гульняў.

Член Каралеўскай інжынернай акадэміі Вялікабрытаніі (2017), Лонданскага каралеўскага таварыства (2018). Лаўрэат прэміі Дэна Дэвіда (2020) і Нобелеўскай прэміі па хіміі (2024), якая была прысуджана яму за прадказанне фолдзінга бялкоў з дапамогай распрацаванай яго кампаніяй DeepMind праграма AlphaFold[6][7].

Раннія гады

[правіць | правіць зыходнік]

Дэміс нарадзіўся і вырас у Паўночным Лондане, у сям’і грэка-кіпрыёта і кітаянкі з Сінгапура. Гуляючы ў дзяцінстве ў шахматы, Хасабіс быў шахматным вундэркіндам, ва ўзросце 13 гадоў меў рэйтынг Эла ў 2300 пунктаў, займаючы пятае месца ў свеце сярод юнакоў да 14 гадоў[8], узначальваў шматлікія англійскія юнацкія шахматныя каманды. Хасабіс вывучаў інфарматыку ў Квінс-каледжы Кембрыджскага ўніверсітэта з 1994 года і скончыў яго з падвойнай адзнакай у 1997 годзе.

Кар’ера

[правіць | правіць зыходнік]

Lionhead

[правіць | правіць зыходнік]

Пасля заканчэння Кембрыджа Дэміс некаторы час працаваў у студыі Lionhead. У прыватнасці быў вядучым праграмістам па стварэнні гульнявога штучнага інтэлекту для гульні Black & White.

Elixir Studios

[правіць | правіць зыходнік]

У 1998 годзе Хасабіс пакінуў Lionhead і заснаваў кампанію Elixir Studios, незалежны Лонданскі распрацоўшчык камп’ютарных гульняў. Дэміс быў выканаўчым дызайнерам такіх гульняў як Republic: The Revolution і Evil Genius.

Кагнітыўная нейрабіялогія

[правіць | правіць зыходнік]

Ён атрымаў доктарскую ступень у галіне кагнітыўнай нейрабіялогіі ва Універсітэцкім каледжы Лондана у 2009 годзе. У сваёй працы ён для новых алгарытмаў штучнага інтэлекту чэрпаў натхненне ў чалавечым мозгу. Працуючы ў галіне даследавання механізмаў працы памяці і амнезіі, быў суаўтарам некалькіх важных навуковых артыкулаў, апублікаваных у такіх аўтарытэтных навуковых часопісах як Nature, Science, Neuron і PNAS.

DeepMind

[правіць | правіць зыходнік]

У 2010 годзе Хасабіс стаў адным з заснавальнікаў кампаніі па даследаванні штучнага інтэлекту DeepMind. У 2014 годзе Google купіў DeepMind за 400 мільёнаў фунтаў стэрлінгаў, хоць кампанія застаецца незалежнай юрыдычнай асобай з офісам у Лондане. Кампанія DeepMind, з моманту набыцця яе Google, пад кіраўніцтвам Хасабіса дабілася шэрагу значных дасягненняў у галіне стварэння саманавучальных нейронавых сетак, самымі вядомымі з якіх з’яўляюцца AlphaGo, AlphaZero і AlphaStar.

Адзначаны Mullard Award (англ.) Лонданскага каралеўскага таварыства (2014).

  • Прэмія Уайлі (2022)[9]
  • BBVA Foundation Frontiers of Knowledge Award (2022)

Крыніцы

[правіць | правіць зыходнік]
  1. 1 2 https://web.archive.org/web/20160719121010/https://beta.companieshouse.gov.uk/officers/hI2vPPsUbVlqy9lHB_I6GiDdyKM/appointments
  2. 1 2 Národní autority České republiky Праверана 5 чэрвеня 2026.
  3. 1 2 3 Národní autority České republiky Праверана 6 чэрвеня 2026.
  4. ↑ List of participants of SAGE and related sub-groups — 2012. Праверана 21 снежня 2020.
  5. ↑ El Papa designa al británico Demis Hassabis responsable de IA de Google en la Pontificia Academia de Ciencias
  6. ↑ The Nobel Prize in Chemistry 2024. Nobel Media AB. Праверана 9 October 2024.
  7. ↑ Press release: The Nobel Prize in Chemistry 2024 (англ.). NobelPrize.org. Праверана October 9, 2024.
  8. ↑ FIDE Rating List January 1990. Архівавана з першакрыніцы 4 студзеня 2017. Праверана 12 снежня 2017.
  9. ↑ The 20th Annual Wiley Prize in Biomedical Sciences Awarded for Protein Structure Predictions | John Wiley & Sons, Inc. Архівавана з першакрыніцы 9 кастрычніка 2022. Праверана 9 кастрычніка 2022.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Дэміс_Хасабіс&oldid=4854323"