Дзмітрый Часлававіч Матвейчык

Дзмітрый Часлававіч Матвейчык
Дата нараджэння	18 кастрычніка 1980(1980-10-18) (43 гады)
Месца нараджэння	Гродна, Гродзенская вобласць, БССР, СССР
Род дзейнасці	гісторык, архівіст
Месца працы	Нацыянальны гістарычны архіў Беларусі
Навуковая ступень	кандыдат гістарычных навук
Прэміі	прэмія імя Францішка Багушэвіча (2013)

Дзмітрый Часлававіч Матвейчык (нар. 18 кастрычніка 1980 г., Гродна, Беларуская ССР) — беларускі гісторык, архівіст. Кандыдат гістарычных навук.

Загадчык аддзела навукова-даследчай і публікацыйнай дзейнасці Нацыянальнага гістарычнага архіва Беларусі.

Навуковая дзейнасць

Вядучы беларускі спецыяліст па гісторыі паўстанняў 1830—1831 і 1863—1864 гг. Аўтар манаграфіі па гісторыі эміграцыі ўдзельнікаў паўстання 1830—1831 гадоў, трох кніг па гісторыі паўстання 1863—1864 гадоў і больш за 90 навуковых артыкулаў. Адзін з укладальнікаў і аўтараў шматтомнага выдання «Гербоўнік беларускай шляхты».

Узнагароды

Лаўрэат прэміі імя Францішка Багушэвіча (2013) за кнігу «Паўстанне 1863—1864 гадоў у Беларусі: нарыс баявых дзеянняў».

Бібліяграфія

• Выгнаныя з роднага краю : паслялістападаўская эміграцыя з Беларусі і Літвы (1830―1870-я гады) / Дзмітрый Матвейчык ; Міністэрства юстыцыі Рэспублікі Беларусь, Дэпартамент па архівах і справаводству, Нацыянальны гістарычны архіў Беларусі. — Мінск : Лімарыус, 2011. — 197, [1] с., [4] л. іл. ; 21 см. — Рэзюмэ паралельна на англійскай, французскай, польскай і рускай мовах. — Бібліяграфія: с. 155―181 (505 назв.). Спіс публікацый аўтара: с. 182―183 (17 назв.). — Паказальнікі імёнаў, геаграфічных назваў: с. 184―194. — 200 экз. — ISBN 978-985-6968-17-7 (у пераплёце)
• Паўстанне 1863—1864 гадоў у Беларусі: нарыс баявых дзеянняў / Дзмітрый Матвейчык. — Мінск : Медысонт, 2013. — 121 с. : іл., партр., карта, факсім. ; 24 см. — (Беларусь у войнах). — Бібліяграфія: с. 116―121. — 700 экз. — ISBN 978-985-6982-95-1
• Удзельнікі паўстання 1863—1864 гадоў : біяграфічны слоўнік : (паводле матэрыялаў Нацыянальнага гістарычнага архіва Беларусі) / Дзмітрый Матвейчык ; Дэпартамент па архівах і справаводству Міністэрства юстыцыі Республікі Беларусь, Нацыянальны гістарычны архіў Беларусі. — Мінск : Беларусь, 2016. — 734, [1] с. ; 27 см. — Бібліяграфія: с. 709—735 (762 назвы), бібліяграфія ў падрадковых заўвагах. — Асабовы, геаграфічны паказальнікі: с. 671—708. — 400 экз. — ISBN 978-985-01-1159-3 (у пераплёце)
• Паўстанне 1863–1864 гадоў у Віцебскай, Магілёўскай і Мінскай губернях : Дакументы і матэрыялы Нацыянальнага гістарычнага архіва Беларусі / уклад. Дз. Ч. Матвейчык; рэдкал.: У. І. Адамушка [і інш.]. – Мінск : А. М. Вараксін, 2014. – 544 с. — ISBN 978-985-7092-03-1
• Гербоўнік беларускай шляхты. Т. 3. В. / Дз. Матвейчык [і інш.]; навук. рэд. А. Рахуба. — Мінск, 2014. — 663 с. — ISBN 978-985-01-1095-4.
• Гербоўнік беларускай шляхты. Т. 4. Г. / Д. Ч. Матвейчык [і інш.]; навук. рэд. А. Рахуба. — Мінск : Беларусь, 2016. — 959 с. — ISBN 978-985-01-1175-3.