Ежы Скалімоўскі

Ежы Скалімоўскі
Ежы Скалімоўскі
	польск.: Jerzy Skolimowski
Дата нараджэння	5 мая 1938[…] (88 гадоў)
Месца нараджэння	Лодзь, Польская Рэспубліка;
Грамадзянства	Польшча;
Жонка	Elżbieta Czyżewska[d] і Joanna Szczerbic[d]
Дзеці	Józef Skolimowski[d] і Michał Skolimowski[d]
Адукацыя	Кінашкола ў Лодзі[d] ();
Прафесія	кінарэжысёр, акцёр, мастак, драматург, сцэнарыст, рэжысёр
Узнагароды	Нямецкая кінапрэмія European University Film Award[d] (2022) Best Screenplay Award[d] (1982)
IMDb	ID 0804592
	Медыяфайлы на Вікісховішчы

Ежы Скалімоўскі (польск.: Jerzy Skolimowski; нар. 5 мая 1938, Лодзь) — польскі кінарэжысёр, сцэнарыст і акцёр. Суаўтар сцэнарыя фільма Рамана Паланскага «Нож у вадзе».

Біяграфія

Бацька, Станіслаў Скалімоўскі, быў архітэктарам. У дзяцінстве Ежы перажыў жахі Другой сусветнай вайны і пакаранне смерцю бацькі, удзельніка польскага супраціўлення. Пасля вайны маці Ежы стала аташэ па культуры ў Празе. У гімназіі Ежы вучыўся разам з Мілашам Форманам, Вацлавам Гавелам і Іванам Пасерам.

Вывучаў польскую філалогію і этнаграфію ў Варшаўскім універсітэце. У 1963 годзе скончыў рэжысёрскі факультэт Кінашколы ў Лодзі^[en].

З пачатку 1960-х гадоў зняў больш за дваццаць фільмаў, як у Польшчы («Асаблівыя прыкметы^[en]», «Вальковер^[en]», «Бар’ер^[en]»), так і ў іншых краінах (у 1969 годзе пакінуў Польшчу) — Бельгіі («Старт^[en]»), Вялікабрытаніі («На самым дне^[en]»), ЗША («Плывучы маяк^[en]»).

Вярнуўся ў Польшчу праз шмат гадоў, у 1991 годзе, для здымак фільма паводле рамана Вітальда Гамбровіча «Фердыдурка». Пасля правалу фільма прысвяціў сябе жывапісу і доўга не здымаў. У 2008 годзе зняў у Польшчы «Чатыры ночы з Ганнай^[en]». Наступная карціна, «Неабходнае забойства^[en]» (2010), мела вялізны поспех, атрымаўшы дзве ўзнагароды на 67-м Венецыянскім кінафестывалі: Спецыяльны прыз журы і Кубак Вольпі за найлепшую мужчынскую ролю (Вінсэнт Гала^[en]).

Здымаўся як акцёр, у тым ліку ў сваіх фільмах («Вясновыя воды^[en]»), а таксама ў кінастужках сваіх калегаў па рэжысёрскім цэху Анджэя Вайды («Нявінныя чарадзеі^[en]»), Мікі Каўрысмякі («Лос-Анджэлес без карты^[en]»), Ціма Бёртана («Марс атакуе!^[en]»), у Дэвіда Кроненберга ва «Усходніх абяцаннях^[en]» і «Мсціўцах» Джоса Уідана.

Апублікаваў некалькі зборнікаў вершаў, пісаў таксама тэатральныя п’есы.

Быў двойчы жанаты. Яго першай жонкай была актрыса Эльжбета Чыжэўска^[en]. Другой жонкай была Іаанна Шчэрбіц^[pl] (1941—2014), таксама актрыса, ад якой у яго нарадзілася двое сыноў: Міхал і Юзаф. Юзаф памёр у Індыі ў 2012 годзе. Яго смерць натхніла Скалімоўскага на стварэнне фільма «11 хвілін^[en]»^[3].

Выбраная фільмаграфія

Крыніцы

↑ Jerzy Skolimowski // filmportal.de — 2005. Праверана 9 кастрычніка 2017.
<a href='https://wikidata.org/wiki/Track:Q15706812'></a>
↑ Jerzy Skolimowski // Brockhaus Enzyklopädie — F.A. Brockhaus, 1796.
<a href='https://wikidata.org/wiki/Track:Q237227'></a><a href='https://wikidata.org/wiki/Track:Q19446818'></a>
↑ Hanna Rantala. Polish director says own loss inspired '11 Minut' in Venice (нявызн.). Reuters (9 верасня 2015). Архівавана з першакрыніцы 19 жніўня 2020. Праверана 8 снежня 2022.

Спасылкі

Ежы Скалімоўскі на сайце «Internet Movie Database»

[_3deb869a3498df81-1] Jerzy Skolimowski // filmportal.de — 2005. Праверана 9 кастрычніка 2017.
<a href='https://wikidata.org/wiki/Track:Q15706812'></a>

[_a1f7aea9a11fc1b9-2] Jerzy Skolimowski // Brockhaus Enzyklopädie — F.A. Brockhaus, 1796.
<a href='https://wikidata.org/wiki/Track:Q237227'></a><a href='https://wikidata.org/wiki/Track:Q19446818'></a>

[3] Hanna Rantala. Polish director says own loss inspired '11 Minut' in Venice (нявызн.). Reuters (9 верасня 2015). Архівавана з першакрыніцы 19 жніўня 2020. Праверана 8 снежня 2022.

[1]

[2]

[3]