Ежы Юзаф Радзівіл

Ежы Юзаф Радзівіл
польск.: Jerzy Józef Radziwiłł
Герб Трубы
7-ы Ардынат Нясвіжскі 1680 — 1689
Папярэднік	Міхал Казімір Радзівіл
Пераемнік	Караль Станіслаў Радзівіл
Падчашы вялікі літоўскі 1686 — 1688
Папярэднік	Ян Караль Дольскі
Пераемнік	Марцін Міхал Крышпін-Кіршэнштэйн
Ваявода троцкі 1688 — 1689
Папярэднік	Цыпрыян Павел Бжастоўскі
Пераемнік	Багуслаў Аляксандр Уніхоўскі
Нараджэнне	10 сакавіка 1668(1668-03-10) Бяла Падляска, Берасцейскі павет, Берасцейскае ваяводства, Вялікае Княства Літоўскае
Смерць	3 студзеня 1689(1689-01-03) (20 гадоў) Бяла Падляска, Берасцейскі павет, Берасцейскае ваяводства, Вялікае Княства Літоўскае
Месца пахавання	Касцёл Божага Цела
Род	Радзівілы
Бацька	Міхал Казімір Радзівіл
Маці	Катажына з Сабескіх
Жонка	Марыя Элеанора Ангальт-Дэсаўская[d]
Дзеці	Катарына Генрыка Радзівіл

Ежы Юзаф (Юрый Юзаф) Радзівіл (10 сакавіка 1668 — 3 студзеня 1689) — вялікалітоўскі дзяржаўны дзеяч, 7-ы ардынат Нясвіжскі (1680—1689), падчашы вялікі літоўскі (1686—1688), ваявода троцкі (1688—1689), трымаў члухаўскае і рабштынскае староствы. Уладальнік Белай.

Біяграфія

Прадстаўнік нясвіжскай лініі найбуйнейшага вялікалітоўскага магнацкага роду Радзівілаў герба «Трубы». Быў пятым дзіцем у сям’і падканцлер літоўскага і гетмана польнага літоўскага Міхала Казіміра Радзівіла (1625—1680) ад шлюбу з Кацярынай Сабескай (1634—1694). Малодшы брат — канцлер вялікі літоўскі Караль Станіслаў Радзівіл.

У 1680 годзе пасля смерці свайго бацькі Міхала Казіміра Юрый Юзаф атрымаў у спадчыну Нясвіжскую ардынацыю. У чэрвені 1686 года атрымаў пасаду падчашага вялікага літоўскага, а ў 1688 годзе стаў ваяводай троцкім.

3 верасня 1687 года ў Дэсау ажаніўся з прынцэсай Марыяй Элеанорай фон Ангальт-Дэсау (1671—1756), дачкой нямецкага князя Ангальт-Дэсау Іагана Георга II (1627—1693) і Генрыэты Катарыны Насау-Аранскай (1637—1708). Дзеці:

• Катарына Генрыка Радзівіл.

Спасылкі

• Генеалогія Радзівілаў Архівавана 24 верасня 2015.