Еркегалі Рахмадыевіч Рахмадыеў

Еркегалі Рахмадыевіч Рахмадыеў
Асноўная інфармацыя
Дата нараджэння	1 жніўня 1932(1932-08-01)
Месца нараджэння	Алмацінская вобласць, КазАССР, РСФСР, СССР
Дата смерці	9 красавіка 2013(2013-04-09) (80 гадоў)
Месца смерці	Алматы, Казахстан
Месца пахавання	Кенсайскія могілкі[d]
Краіна	СССР  Казахстан
Альма-матар	Казахская нацыянальная кансерваторыя імя Курмангазы ()
Музычная дзейнасць
Прафесіі	кампазітар, музычны педагог, кінакампазітар, дзяржаўны службовец, оперны кампазітар
Жанры	опера
Грамадская дзейнасць
Член у	Саюз кампазітараў СССР[d] ()
Узнагароды
Медыяфайлы на Вікісховішчы

Еркегалі Рахмадыевіч Рахмады́еў (каз.: Еркеғали Рахмадиұлы Рахмадиев; 1 жніўня 1932, аул № 9 Семіпалацінскай вобласці, Казахстан — 9 красавіка 2013) — казахскі кампазітар, педагог. Народны артыст Казахскай ССР (1975). Народны артыст СССР (1981). Дзяржаўная прэмія Казахстана (1980).

Біяграфія

Нарадзіўся 1 жніўня 1932 года (па іншых крыніцах — 1 жніўня 1930 года) у ауле № 9 (цяпер сяло Мадэніет у Аягозскім раёне, Усходне-Казахстанская вобласць, Казахстан). Паходзіць з роду жастабан племя абак керэй.

У 1952 годзе скончыў Алма-Ацінскае музычнае вучылішча імя П. І. Чайкоўскага (аддзяленні народных інструментаў і гісторыка-тэарэтычнае).

У 1957 годзе скончыў Алма-Ацінскую кансерваторыю па класе кампазіцыі Я. Брусілоўскага, з 1960 года выкладаў у ёй, у 1969—1975 гадах — рэктар, з 1979 года — прафесар.

У 1957—1958 гадах займаўся на курсах павышэння кваліфікацыі пры Саюзе кампазітараў СССР у Г. І. Ліцінскага і Ю. А. Фартунатава ў Маскве.

З 1959 года — мастацкі кіраўнік Казахскай філармоніі.

З 1961 года — начальнік Галоўнага ўпраўлення па справах мастацтва Міністэрства культуры Казахстана.

З 1966 года — дырэктар Казахскага тэатра оперы і балета.

З 1968 года — старшыня Саюза кампазітараў Казахстана.

Выбіраўся дэпутатам Вярхоўнага Савета Казахскай ССР з 7-11-га скліканняў, а таксама народным дэпутатам СССР (1989—1991). Быў кандыдатам у члены ЦК КП Казахскай ССР (з 1971).

Апошнія гады жыцця жыў і працаваў у Астане, куды прыехаў па запрашэнні Прэзідэнта РК Н. А. Назарбаева. Працуючы кансультантам Нацыянальнага опернага тэатра ім. К. Байсеітавай, аказваў падтрымку ў развіцці опернага мастацтва Астаны, выкладаў кампазіцыю студэнтам і аспірантам у Казахскай нацыянальнай акадэміі музыкі (з 2009 года — Казахскі нацыянальны ўніверсітэт мастацтваў) пад кіраўніцтвам А. К. Мусаходжаевай. З 2003 года — прафесар універсітэта.

Еркегалі Рахмадзіеў памёр 9 красавіка 2013 года ў Алма-Аце. Пахаваны на Кенсайскіх могілках.

Творчасць

Творчасць Рахмадыева адметная спалучэннем рыс еўрапейскага прафесійнага мастацтва і казахскай нацыянальнай культуры.

Сярод твораў: оперы, у т.л. «Алпамыс» (1973), «Песня пра цаліну» (1980), «Майра» (1985); творы для салістаў, хору і аркестра; канцэрты для скрыпкі з аркестрам (1986), для трубы (1984); камерна-інструментальныя творы; песні, музыка да драматычных спектакляў і кінафільмаў і інш.

Аўтар кнігі «Час і музыка» (1986).

Літаратура

• Рахмады́еў Еркегалі Рахмадыевіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 381. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).
• Рахмади́ев Еркегали // Музыкальный энциклопедический словарь (руск.) / гл. ред. Г. В. Келдыш. — М.: Советская энциклопедия, 1990. — С. 452—453. — 672 с. — 150 000 экз. — ISBN 5-85270-033-9.