Жан Кармэ

Жан Кармэ
фр.: Jean Carmet
Дата нараджэння	25 красавіка 1920(1920-04-25)
Месца нараджэння	Тур, дэпартамент Эндр і Луара, рэгіён Цэнтр — Даліна Луары, Метраполія Францыі, Францыя
Дата смерці	20 красавіка 1994(1994-04-20) (73 гады)
Месца смерці	Сеўр, дэпартамент О-дэ-Сен, рэгіён Іль-дэ-Франс, Метраполія Францыі, Францыя
Месца пахавання	могілкі Манпарнас
Грамадзянства	Францыя
Прафесія	акцёр, сцэнарыст, тэатральны акцёр, кінаакцёр, тэлеакцёр
Узнагароды
IMDb	ID 0138405
Медыяфайлы на Вікісховішчы

Жан Габрыэль Эдман Кармэ (фр.: Jean Gabriel Edmond Carmet; 25 красавіка 1920(1920-04-25), Тур — 20 красавіка 1994(1994-04-20), Сеўр) — французскі акцёр.

Намінаваны на прэмію «Сезар» за найлепшую мужчынскую ролю за галоўную ролю ў фільме 1986 года «Міс Мона». Двойчы ён выйграваў прэмію «Сезар» за найлепшую мужчынскую ролю другога плана і быў намінаваны яшчэ двойчы. У лютым 1994 года, каб адзначыць яго 50-годдзе ў кіно, французская кінаіндустрыя ўзнагародзіла яго спецыяльнай прэміяй «Сезар» за выдатныя заслугі ў кінематографе.

Біяграфія

Жан Кармэ граў пераважна другарадныя камічныя ролі, валодаў драматычным талентам. У карціне «Суп з капустай» (рэж. Жан Жыро) яму дасталася галоўная роля, у квебекскім фільме «Кот-праныра» — роля галоўнага адмоўнага героя. Да ліку найболей вядомых персанажаў Кармэ належыць няўдачлівы прыяцель галоўнага героя Марыс у дылогіі Іва Рабера «Высокі бландзін у чорным чаравіку» і «Вяртанне высокага бландзіна», а таксама роля Планшэ ў экранізацыі 1961 г. знакамітага рамана Аляксандра Дзюма «Тры мушкецёры».

Мсье Лажуа з вострасацыяльнага фільма французскага рэжысёра Іва Буасэ «Гэта здарылася на свята» (арыгінальная назва карціны «Дзюпон Лажуа»). Роля пасрэднага, абмежаванага абывацеля, апантанага цёмнымі расавымі інстынктамі і юрлівасцю — адна з лепшых у акцёрскай біяграфіі Кармэ.

Ён сыграў у фільмах такіх вядомых рэжысёраў, як Жан Рэнуар, Крысціян-Жак, Луіс Буньюэль, Бертран Бліе і Клод Шаброль. Эпізадычная роля, якую Кармэ сыграў у фільме Арыяны Мнушкінай «Мальер», была выразана пры канчатковым мантажы.

Жан Кармэ памёр ад сардэчнага прыступу.

Фільмаграфія

• (1972) «Высокі бландзін у чорным чаравіку» — Марыс Лефеўр, сябар Перэна
• (1974) «Вяртанне высокага бландзіна» — Марыс Лефеўр, сябар Перэна
• (1986) «Уцекачы» — ветэрынар Мартэн
• (1991) «Дзякуй, жыццё» — Раймонд (стары бацька)