Жорж Леметр

Жорж Леметр
фр.: Georges Lemaître
Імя пры нараджэнні	фр.: Georges Henri Joseph Édouard Lemaître
Род дзейнасці	касмолаг, матэматык, каталіцкі святар, выкладчык універсітэта, фізік, багаслоў, астрафізік
Дата нараджэння	17 ліпеня 1894(1894-07-17)[…]
Месца нараджэння	Шарлеруа, акруга Шарлеруа[d], правінцыя Эно, Бельгія
Дата смерці	20 чэрвеня 1966(1966-06-20)[…] (71 год)
Месца смерці	Лёвен, акруга Лёвен[d], правінцыя Брабант[d], Бельгія
Месца пахавання	Marcinelle New Communal Cemetery[d]
Грамадзянства	Бельгія
Веравызнанне	каталіцтва
Месца працы	Гарвардскі ўніверсітэт Лёвенскі каталіцкі ўніверсітэт Belgian Armed Forces[d]
Альма-матар	Лёвенскі каталіцкі ўніверсітэт (1920) Кембрыджскі ўніверсітэт (1924) Масачусецкі тэхналагічны інстытут (1927) Grand Seminary Mechelen[d] (22 верасня 1923)
Член у	Папская акадэмія навук (20 чэрвеня 1966) Нацыянальная акадэмія навук Італіі[d]
Бітвы/войны	Першая сусветная вайна
Узнагароды і прэміі	медаль Эдынгтана[d] (1953) прэмія Жуля Жансена[d] (1936) медаль Мендэля[d] (1934)
Аўтограф
Медыяфайлы на Вікісховішчы

Жорж Леметр (поўнае імя — Жорж Анры Жазеф Эдуар Леметр, фр.: Georges Henri Joseph Édouard Lemaître); 17 ліпеня 1894, Шарлеруа, Эно — 20 чэрвеня 1966, Лёвен, Брабант) — бельгійскі святар, астрафізік, касмолаг і матэматык, аўтар тэорыі Вялікага выбуху. Адзін з найбольш уплывовых астрафізікаў XX стагоддзя.

Біяграфія

Нарадзіўся ў Шарлеруа (Бельгія), у 1914 годзе скончыў езуіцкі каледж у Шарлеруа, пасля чаго працягнуў адукацыю ў Лёвенскім універсітэце па інжынернай спецыяльнасці. У час Першай сусветнай вайны быў мабілізаваны ў армію, служыў у артылерыі, быў узнагароджаны Ваенным Крыжам (фр. Croix de guerre). Пасля вайны працягнуў навучанне ў Лёвенскім універсітэце, дзе вывучаў матэматыку, фізіку, астраномію і тэалогію. У 1923 годзе атрымаў сан абата, пасля чаго накіраваўся ў Кембрыджскі ўніверсітэт. У якасці студэнта-даследчыка каледжа Святога Эдмунда Леметр пад кіраўніцтвам А. С. Эдынгтана выканаў шэраг работ па касмалогіі, зорнай астраноміі і вылічальнай матэматыцы. Заняткі астраноміяй ён працягнуў у ЗША — у Гарвардскай абсерваторыі, дзе ён працаваў з Харлоу Шэплі ў Масачусецкім тэхналагічным інстытуце, дзе Леметр атрымаў ступень доктара навук.

З 1925 года, вярнуўшыся ў Бельгію, працаваў прафесарам астрафізікі, а пазней — прыкладной матэматыкі Лёвенскага ўніверсітэта.

У 1936 годзе быў абраны членам Папскай акадэміі навук, а ў сакавіку 1960 года быў прызначаны яе прэзідэнтам і займаў гэтую пасаду да сваёй смерці. У 1960 г. папам Янам XXIII быў узведзены ў сан прэлата. У канцы працы Другога Ватыканскага сабора Леметр са здзіўленнем даведаўся, што пастаўлены на чале камісіі па даследаванні пытанняў, звязаных з кантролем нараджальнасці, але адмовіўся ад гэтага прызначэння з прычыны слабога здароўя, якое перашкаджае яму здзяйсняць паездкі ў Рым (перанёс сардэчны прыступ у снежні 1964 года).

Член Амерыканскага філасофскага таварыства (1945).