Жуан IV (кароль Партугаліі)

Жуан IV
парт.: João IV
манарх Партугаліі 1 снежня 1640 — 6 лістапада 1656
Папярэднік	Філіп IV
Нараджэнне	19 сакавіка 1604(1604-03-19) Ducal Palace of Vila Viçosa[d], Nossa Senhora da Conceição e São Bartolomeu[d], Віла-Вісоза[d], акруга Эвара[d], Партугалія
Смерць	6 лістапада 1656(1656-11-06) (52 гады) Палац Рыбейра[d], Лісабон, Вялікі Лісабон[d], кантынентальная Партугалія[d], Партугалія
Месца пахавання	Сан-Вісенты-ды-Фора[d]
Род	Браганса
Бацька	Teodósio II, Duke of Braganza[d]
Маці	Ana de Velasco y Girón[d]
Жонка	Луіза ды Гусман[d]
Дзеці	Кацярына Браганская, Teodósio, Prince of Brazil[d], Infanta Joana, Princess of Beira[d], Афонсу VI[d], Педру II, Ana de Bragança[d] і Manuel of Braganza[d]
Грамадзянства	Каралеўства Партугалія
Веравызнанне	каталіцтва
Аўтограф
Медыяфайлы на Вікісховішчы

Жуан IV Аднаўляльнік (парт.: João IV, o Restaurador; 19 сакавіка 1604 — 6 лістапада 1656) — кароль Партугаліі з 1640 года, першы прадстаўнік дынастыі Браганса на троне. Яго продак — Альфонс, 1-ы герцаг Браганса, быў пазашлюбным сынам караля Жуана Добрага. З яго імем звязваюць аднаўленне незалежнасці краіны.

Складаная эканамічная сітуацыя, паразы Іспаніі ў войнах, захопу партугальскіх калоній галандцамі — Бразіліі, Сан-Тамэ, Анголы — усё больш выклікала незадаволенасць усіх слаёў насельніцтва Партугаліі. Першым сігналам было паўстанне ў 1637—1638 гадах у горадзе Эвара. Падзеяй, якая падштурхнула да пачатку барацьбы за незалежнасць, было паўстанне ў 1640 годзе ў Каталоніі. Значныя іспанскія сілы прыцягваліся для яго падаўлення.

1 снежня 1640 года 40 мяцежнікаў захапілі каралеўскі палац у Лісабоне, прымусілі намесніцу Партугаліі Маргарыту зрачыся пасады. 15 снежня таго ж года адбылася каранацыя Жуана IV. Неўзабаве, ужо да канца месяца, уся Партугалія перайшла на бок новага караля. Да студзеня 1641 года Партугалія фактычна атрымала незалежнасць. Картэсы ў Лісабоне прынялі Маніфест па абвяшчэнні Партугаліі суверэннай дзяржавай. Былі заключаны пагадненні з Францыяй, Швецыяй і Нідэрландамі. Але Іспанія не вызначала незалежнасць Партугаліі. Вайна працягвалася 28 гадоў. Жуан IV не дачакаўся прызнання з боку іспанскіх каралёў, якое адбылося у 1668 годзе.