Перайсці да зместу

Жужа Полгар

З Вікіпедыі, свабоднай энцыклапедыі
Жужа Полгар
Polgár Zsuzsa
Краіны: Сцяг Венгрыі Венгрыя (да 2002; з 2019)
Сцяг ЗША ЗША (2002—2019)
Дата нараджэння: 19 красавіка 1969
Месца нараджэння: Будапешт, Венгрыя
Званне: гросмайстар (1991)
Максімальны рэйтынг: 2577 (студзень 2005)
Актуальны рэйтынг: 2577 (неактыўная)
Асабістая картка на сайце ФІДЭ
susanpolgar.com (англ.)
Лагатып Вікісховішча Медыяфайлы на Вікісховішчы

Жу́жа По́лгар[1] (венг.: Polgár Zsuzsa; [ˈpolɡaːr ˈʒuʒɒ]; пры нараджэнні Жужанна Полгар, венг.: Polgár Zsuzsanna; таксама вядомая як Сьюзан Полгар[2], англ.: Susan Polgar; нар. 19 красавіка 1969, Будапешт) — венгерская і амерыканская шахматыстка, гросмайстар, восьмая чэмпіёнка свету з 1996 да 1999 года. Старшы трэнер ФІДЭ (2004), арбітр ФІДЭ (2015).[3]

Жужа Полгар са сваім мужам

У чатыры гады Полгар перамагла ў чэмпіянаце Будапешта сярод дзяўчынак да 11 гадоў, набраўшы 10 балаў з 10. У ліпені 1984 года, ва ўзросце 15 гадоў, яна стала першай у сусветным жаночым рэйтынгу.[4]

У 1991 годзе Полгар атрымала званне гросмайстра, стаўшы трэцяй жанчынай у гісторыі, якой ФІДЭ прысвоіла гэтае званне.[3]

У 1996 годзе Полгар стала чэмпіёнкай свету, перамогшы ў матчы за тытул дзейную чэмпіёнку Се Цзюнь з лікам 8½:4½.[4]

У 2002 годзе Полгар пачала прадстаўляць у спаборніцтвах ЗША, а ў 2019 годзе зноў перайшла пад юрысдыкцыю Венгерскай шахматнай федэрацыі.[3]

Пасля завяршэння актыўнай гульнявой кар’еры Полгар займалася трэнерскай і арганізацыйнай працай. Яна ўзначальвала шахматныя праграмы Тэхаскага тэхналагічнага ўніверсітэта і Уэбстэрскага ўніверсітэта. У 2024 годзе на юбілейнай цырымоніі FIDE 100 Awards была прызнана найлепшым жаночым трэнерам.[5]

Жужа Полгар валодае некалькімі мовамі, у тым ліку венгерскай, англійскай, нямецкай, рускай, іспанскай, іўрытам і эсперанта, якую разам з шахматамі вывучала з дзяцінства.

У 2007 годзе Полгар стала галоўнай гераіняй дакументальнага фільма My Brilliant Brain: Make Me a Genius пра развіццё памяці і шахматных здольнасцей, знятага для National Geographic.[6]

Зноскі

  1. ↑ Дракахруст Ю. Вайна і мір палоў // Радыё Свабода. — 12 сакавіка 2008.
  2. ↑ Трохі пра рэкардсмэнаў // Наша Ніва. — 18 лютага 2006.
  3. 1 2 3 Polgar, Susan // FIDE Ratings.
  4. 1 2 Susan Polgar // FIDE Open Chess Museum.
  5. ↑ FIDE 100 Awards make history Архівавана 22 жніўня 2026. // FIDE. — 20 верасня 2024.
  6. ↑ My Brilliant Brain // Windfall Films.