Жывадзін Ёванавіч

Жывадзін Ёванавіч
сербск.: Живадин Јовановић
Нараджэнне	14 лістапада 1938(1938-11-14) (85 гадоў) Опарыч[d], Югаславія
Партыя	Сацыялістычная партыя Сербіі
Адукацыя	юрыдычны факультэт Бялградскага ўніверсітэта[d] (1961)
Дзейнасць	палітыка, права і дыпламатыя
Медыяфайлы на Вікісховішчы

Жывадзін Ёванавіч (сербск.: Живадин Јовановић; нар. 14 лістапада 1938) — югаслаўскі і сербскі палітык, міністр замежных спраў Югаславіі з 9 студзеня 1998 года па 4 лістапада 2000 года.

Біяграфія

Нарадзіўся 14 лістапада 1938 года ў вёсцы Апарыч. У 1957 годзе скончыў сярэднюю школу ў Ягадзіне. У 1961 годзе скончыў юрыдычны факультэт Бялградскага ўніверсітэта.

Да 1964 года служыў у якасці супрацоўніка па прававых пытаннях у муніцыпальнай Асамблеі Новага Бялграда. Потым працаваў віцэ-консулам у Таронта (1966—1970), саветнікам у пасольстве ў Кеніі (1974—1978) і паслом у Анголе (1988—1993).

З 1994 па 1997 год быў памочнікам федэральнага міністра замежных спраў, а затым, з 1998 па 2000 год, працаваў федэральным міністрам замежных спраў. Паралельна з 1996 па 2002 год з’яўляўся віцэ-прэзідэнтам па замежных справах Сацыялістычнай партыі Сербіі. У 1996 годзе абраны дэпутатам парламента Рэспублікі Сербія.

У 1998 годзе прызначаны міністрам замежных спраў Югаславіі. Пасля звяржэння Мілошавіча сышоў у адстаўку.

З 2005 года з’яўляецца прэзідэнтам Бялградскага форуму за мір роўных.

Размаўляе на англійскай, рускай, французскай і партугальскай мовах.

Узнагароды

• Залаты медаль «За заслугі» (2023, Сербія)