Зажэвічы

З пляцоўкі Вікіпедыя
Jump to navigation Jump to search
Аграгарадок
Зажэвічы
Zazhevichy 2008 02.jpg
Самая старая вуліца Зажэвічаў, цяпер Савецкая
Краіна
Вобласць
Раён
Сельсавет
Каардынаты
Афіцыйная мова
Часавы пояс
Тэлефонны код
+375 174
Аўтамабільны код
5
Зажэвічы на карце Беларусі ±
Зажэвічы (Беларусь)
Зажэвічы
Зажэвічы (Мінская вобласць)
Зажэвічы

Зажэ́вічы[1] (трансліт.: Zaževičy, руск.: Зажевичи) — аграгарадок у Салігорскім раёне Мінскай вобласці. Адміністрацыйны цэнтр Зажэвіцкага сельсавета.

Цэнтр калгасу «Перадавік», а пазней сельскагаспадарчага вытворчага кааператыву «Добрыца». Знаходзіцца за 8 км ад Салігорска і за 141 км ад Мінска.

Гісторыя[правіць | правіць зыходнік]

Вёска на карце Рыцы-Дзяноні 1772 года
Хата Навумчыка — самая старая ў вёсцы, пабудаваная ў канцы 1920-х гадоў

Вёска вядомая з XVI ст. пад назвамі Зажэвічы (польск.: Zażewiczy) або Зажэва (польск.: Zażewo) на тэрыторыі Слуцкага княства. Паводле звестак на 1566 год падпарадкоўвалася двару Пагост. Паводле апісання Слуцкага княства 1600 года падначальвалася двару Мяцявічы.

У 1797 годзе Зажэвічы — прыватная ўласнасць у Слуцкім павеце Мінскай губерні.

На стан 1858 года вёска знаходзілася ў складзе фальварка Трасцянец, што знаходзіўся ў 5 км на поўдзень ля сучаснай вёскі Бярозаўка.

Паводле адміністрацыйнага падзелу на 1870 год Зажэвічы з’яўляліся сельскай грамадой у Пагосцкай воласці Слуцкага павета Мінскай губерні. Зажоўская грамада адносілася таксама да прыхода Пагосцкай царквы, у якой хрысціліся і вянчаліся зажоўцы, дзе захоўваліся метрычныя кнігі. Пад час наступу савецкай арміі ў 1944 годзе царква была знішчана і архівы згарэлі.

Пасля вялікага пажару 1928 года, пад час якога згарэла адзіная і галоўная вуліца вёскі жыхары рассяліліся па хутарах. Пачынаючы з 1938 года савецкай уладай пачалося гвалтоўнае збіранне зажоўскіх хутароў назад у вёску. Прасцейшым спосабам прымусу сялян перавозіць хаты назад у вёску было разбурэнне даху.

У 1931 годзе ў вёсцы арганізаваны калгас «Перадавік», у якім былі два нацыяналізаваныя паветраныя млыны, працавала кузня.

Дэмаграфія[правіць | правіць зыходнік]

год двары сяляне
1800 61 225
1897 114 1107
1909 171 1245
1917 187 1346
1941 314 1355
2004 340 648

Адукацыя[правіць | правіць зыходнік]

Першая мураваная прыватнаўласніцкая хата ў Зажэвічах
Памятная пліта на вуліцы Гуляева

У 1861 годзе была адкрыта школа граматы. На 1890 год у ёй навучаліся 30 хлопчыкаў і 1 дзяўчынка. У 1905 годзе для школы быў узведзены новы будынак. На 1922 год у школе першай ступені вучылася ўжо 299 дзяцей.

Установы[правіць | правіць зыходнік]

  • Сярэдняя школа-садок
  • Крама
  • Дом культуры
  • Бібліятэка
  • Аддзяленне сувязі

Зноскі

  1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)

Літаратура[правіць | правіць зыходнік]

  • Памяць. Салігорскі раён

Спасылкі[правіць | правіць зыходнік]