Заря над Бугом

З пляцоўкі Вікіпедыя
Jump to navigation Jump to search
«Заря над Бугом»
Тып газета

Краіна
Заснавана 15 кастрычніка 1944
Мова беларуская, руская
Перыядычнасць адзін раз на тыдзень
Тыраж 3600
Вэб-сайт nadbugom.by

Заря над Бугом — раённая газета Брэсцкага раёна Брэсцкай вобласці. Выдаецца з 15 кастрычніка 1944 года. Заснавальнікі: Брэсцкі раённы выканаўчы камітэт і Брэсцкі раённы Савет дэпутатаў.

Гісторыя[правіць | правіць зыходнік]

У Брэсцкім раёне Брэсцкай вобласці з 15 кастрычніка 1944 года выходзіла газета «Сталинец». У 1954 годзе адбылася рэарганізацыя Брэсцкага і Дамачаўскага раёнаў у адзін Брэсцкі раён, у сувязі з гэтым была заснавана новая газета «Социалистический путь».

Першы нумар газеты «Социалистический путь» выйшаў 6 жніўня 1954 года. Гэта быў орган Брэсцкага райкама КПБ і раённага Савета дэпутатаў працоўных. Газета выходзіла на рускай мове тыражом 3000 экзэмпляраў па серадах, пятніцах і нядзелях, у 1960-я гады — па аўторках, чацвяргах і суботах, а тыраж быў каля 4800 экземпляраў.

Першым рэдактарам быў назначаны Віктар Гаўрылавіч Курэпін (1915—2000), удзельнік Вялікай Айчыннай вайны. Віктар Гаўрылавіч заставаўся на пасадзе галоўнага рэдактара па ліпень 1975 года. Намеснікам рэдактара стаў Міхаіл Квочкін, адказным сакратаром — Аркадзь Маісеевіч Бляхер, удзельнік Вялікай Айчыннай вайны, літаратурным супрацоўнікам — Аляксей Гурэцкі. Карэспандэнтамі ў розны час працавалі М. Квочкін, С. Гусеў, В. Чумакоў, Н. Пінчук, Н. Горба, П. Шпачэнка, В. Іваноў, В. Кулакоў, Н. Салавей. Л. Філатаў, В. Рассіхін і інш. Студэнтам філфака Брэсцкага педагагічнага інстытута прыйшоў працаваць у газету ў 1961 годзе Iван Міхайлавіч Мельнічук, у будучым — член Саюза беларускіх пісьменнікаў. У 1962—1971 гадах літаратурным супрацоўнікам быў Васіль Аляксеевіч Жуковіч, член Союза пісьменнікаў СССР з 1977 года.

У розны час фотакарэспандэнтамі працавалі Юрый Кілігін, Георгій Грыцук, Пётр Суліма, Уладзімір Абухаў, Юрый Макарчук.

У 1975—1989 гадах рэдакцыю ўзначальваў Рыгор Яўсеевіч Пятрушын, затым — на працягу 18-ці гадоў Сямён Рыгоравіч Іваненка.

Размяшчалася рэдакцыя ў Брэсце па вул. Дзяржынскага, 17, затым па вул. Камуністычнай, 23. У сакавiку 1983 года пераехала ў пабудаваны «Дом друку» на вул. Маскоўскай (цяпер праспект Машэрава), 75/1.

Пры рэдакцыі дзейнічала літаратурнае аб’яднанне, рэгулярна выходзіла літаратурная старонка, якая ў 1980-я гады называлася «Родник», потым — «Вытокі», цяпер — «Берасцейскае вогнішча».

З 27 жніўня 1991 года выданне атрымала статус: грамадска-палітычная газета Брэсцкага раёна.

Літаратура[правіць | правіць зыходнік]

  • Курэпін Віктар Гаўрылавіч // Памяць : гісторыка-дакументальная хроніка Брэсцкага раёна. Мінск, 1998. С. 476.
  • Раёнка паведамляла // Памяць : гісторыка-дакументальная хроніка Брэсцкага раёна. Мінск, 1998. С. 479—485.
  • У нас юбилей! : [материалы к 50-летию со дня выхода первого номера газеты] // Заря над Бугом (Брест). 2004. 6 авг.
  • Гордеева, Г. «Сегодня газете полвека!» : [стих.] / Галина Гордеева //Заря над Бугом (Брест). 2004. 6 авг. С. 2.