Перайсці да зместу

Захоп цягніка Jaffar Express (2025)

З Вікіпедыі, свабоднай энцыклапедыі
Захоп цягніка Jaffar Express
Месца нападу  Пакістан
29°38′53″ пн. ш. 67°35′03″ у. д.HGЯO
Дата 11—12 сакавіка 2025
Спосаб нападу захоп закладнікаў
Загінулыя прынамсі 64 (26 пасажыраў, усе 33 баевікі і 5 салдат)
Арганізатары Армія вызвалення Белуджыстана
Колькасць закладнікаў прынамсі 380

11 сакавіка 2025 года пасажырскі цягнік Jaffar Express, які ехаў з Кветы ў Пешавар (Пакістан) з каля 380[1] асобамі на борце, быў захоплены Арміяй вызвалення Белуджыстана (АВБ). Зламыснікі ўзарвалі выбухоўку ў тунэлях і на чыгуначных пуцях, перш чым адкрыць агонь па цягніку. Групоўка выставіла 48-гадзінны ўльтыматум, згодна з якім белуджскія палітычныя зняволеныя павінны былі быць вызваленыя, альбо яна заб’е закладнікаў[2][3][4][5].

З 11 па 12 сакавіка ў рамках аперацыі «Зялёны Болан» пакістанскія вайскоўцы здзейснілі некалькі рэйдаў на захоплены цягнік, вызваліўшы 354 чалавек і забіўшы ўсіх 33 паўстанцаў[1].

Сітуацыя

[правіць | правіць зыходнік]

У пакістанскай правінцыі Белуджыстан з 1948 года дзейнічае ўзброены сепаратысцкі рух[6][7]. Сепаратысцкія настроі падсілкоўваліся гвалтам і парушэннямі правоў белуджаў з боку пакістанскай арміі, крайняй беднасцю і недастаткова развітой інфраструктурай вобласці[8].

У 2000 годзе была заснавана Армія вызвалення Белуджыстана[9]. Арганізацыя неадразова здзяйсняла напады на мірных жыхароў і сілавікоў[10], у тым ліку праводзіла тэракты. Сярод апошніх — падрыў смяротніка на чыгуначнай станцыі Квета ў лістападзе 2024 года[11].

Ход падзей

[правіць | правіць зыходнік]

У 9 гадзін раніцы 11 сакавіка 2025 года пасажырскі цягнік Jaffar Express адправіўся з Кветы ў Пешавар. Маршрут складаў каля 1600 км[12]. На борце знаходзіліся мноства пасажыраў (розныя крыніцы паведамлялі ад 380 да 500), у тым ліку вайскоўцы[13]. Перад нападам паўстанцы АВБ сабатавалі чыгуначныя шляхі, каб цягнік спыніўся ў горнай мясцовасці[14]. У тунэлі № 8 паміж станцыямі Пера Кунры і Мушкаф за 157 км ад Кветы і прыкладна за 21 км на захад ад горада Сібі баевікі захапілі цягнік[4][15][16]. Перад гэтым тэрарысты ўзарвалі выбухоўку на чыгуначных пуцях, а потым адкрылі агонь па цягніку[17].

Цягнік суправаджала невялікая група ахоўнікаў. Гэтых сіл было недастаткова для адбіцця нападу. Тым не менш, абаронцы аказвалі супраціўленне больш за паўтары гадзіны, пакуль у іх не скончыліся боепрыпасы[18]. Паўстанцы былі абсталяваны пускавымі ўстаноўкамі і гарматамі і пагражалі забіць людзей, калі яны не выйдуць з цягніка[19].

Сярод захопленых было больш за 50 супрацоўнікаў сілавых структур, уключаючы салдат пакістанскай арміі, якія вярталіся дадому на адпачынак[20]. АВБ высунула 48-гадзінны ўльтыматум ураду, запатрабаваўшы вызвалення палітычных зняволеных[21]. Групоўка прыгразіла забіваць па пяць закладнікаў за кожную гадзіну пасля заканчэння тэрміну[22].

Падчас нападу баевікі ў камізэльках смяротніка селі ў цягнік і падзялілі жанчын і мужчын на групы і праверылі ў іх пасведчанні асобы. Пажылым людзям і жанчынам нападнікі не пашкодзілі[23]. Паколькі захоп адбыўся ў ізаляванай горнай мясцовасці, лёс закладнікаў быў не адразу ясны. Па словах Шахіда Рында, прэс-сакратара ўрада правінцыі Белуджыстан, навакольная мясцовасць не дазволіла ўладам хутка дабрацца да гэтага раёна[24]. Дзяржаўны аператар Pakistan Railways часова прыпыніў рух цягнікоў паміж Белуджыстанам, Пенджабам і Сіндам[25].

Сілы бяспекі пачалі буйнамаштабную контртэрарыстычную аперацыю[15][26][27] «Green Bolan»[28][15][29][30]. Падчас сваіх першых нападаў яны забілі 27 паўстанцаў і выратавалі 104 пасажыраў: 58 мужчын, 31 жанчыну і 15 дзяцей[31][32]. Пазней урадавыя сілы ўступілі ў яшчэ адну перастрэлку, у выніку якой вызвалілі яшчэ 155 закладнікаў[33][34]. 12 сакавіка былі вызвалены апошнія захопленыя. Агулам сілавікі выратавалі 346 чалавек[11].

Афіцыйныя асобы абвінавацілі баевікоў у выкарыстанні жанчын і дзяцей у якасці жывога шчыта, што паўстанцкая групоўка адмаўляла[22].

Ахвяры

[правіць | правіць зыходнік]

Афіцыйныя асобы пацвердзілі, што ў выніку нападу загінулі 26 пасажыраў, усе 33 баевікі[1] і 5 салдат. Пакістанскі праваабаронца Мама Кадзір паведаміў, што падчас нападу загінулі больш за 30 супрацоўнікаў службы бяспекі[35]. Сямнаццаць пасажыраў і трое супрацоўнікаў службы бяспекі атрымалі раненні[35][36][37]. Нягледзячы на першапачатковыя паведамленні аб тым, што машыніст цягніка загінуў у выніку нападу, мужчына выжыў[38].

Рэакцыя

[правіць | правіць зыходнік]

Пакістан

[правіць | правіць зыходнік]

Прэм’ер-міністр Пакістана Шахбаз Шарыф і яго міністры наведалі правінцыю Белуджыстан, каб азнаёміцца з сітуацыяй і выказаць салідарнасць з яе ахвярамі[39]. Пасля тэракту ўлады ўзмацнілі патруляванне на ўсіх чыгуначных станцыях па ўсёй краіне, абмежавалі доступ пасажыраў да цягнікоў, праводзячы строгі дагляд, і падвергнулі транспартныя сродкі больш дбайнаму надгляду. Было прызнана, што чыгуначная паліцыя адчувае недахоп персаналу, і на наступныя месяцы быў прапанавы план па найму большага персаналу[40]. Прэзідэнт Асіф Алі Зардары пахваліў сілы бяспекі за выратаванне пасажыраў. Шэхбаз Шарыф выказаў надзею, што сілам бяспекі ўдасца ліквідаваць «баязлівых тэрарыстаў», якіх ён назваў «ворагамі прагрэсу Белуджыстана»[41].

Міністр унутраных спраў Мохсін Накві, міністр унутраных спраў Сінда Зія Уль Хасан Ланджар, старшыня Сената Юсуф Рэза Гілані, спікер Нацыянальнай асамблеі Сардар Аяз Садык[41], губернатар Пенджаба Сардар Салім Хайдэр Хан[42], лідар партыі Pakistan Tehreek-e-Insaf Асад Кайзер[43], лідар Пакістанскай народнай партыі Умар Рэхман Малік[44], Камісія па правах чалавека Пакістана[45] асудзілі напад.

Міністр чыгунак Ханіф Абасі сцвярджаў, што напад на цягнік быў скаардынаванай аперацыяй у рамках замежнай змовы[46]. Генерал-лейтэнант арміі Пакістана Ахмед Шарыф Чаўдры сказаў, што баевікі дзейнічалі па наводцы куратараў з Афганістана праз спадарожнікавы тэлефон[39]. Міністэрства замежных спраў Пакістана падтрымала яго абвінавачванне ў тым, што пасярэднікі з Афганістана дапамаглі арганізаваць напад, а таксама ўсклала адказнасць за напад на Індыю[47].

Свет

[правіць | правіць зыходнік]

Напад асудзілі ААН[48], Аўстралія[49], Азербайджан[50], Кітай[51], Еўрапейскі Саюз[52], Германія[52], Іран[51], Нарвегія[52], Расія[53], Турцыя[54], ААЭ[55], Вялікабрытанія[52], ЗША[51].

Крыніцы

[правіць | правіць зыходнік]
  1. ↑ а б в [1]
  2. ↑ Ahmed, Saleem; Sayeed, Saad (13 March 2025). "Pakistan military ends train standoff, says 21 hostages and four troops killed". Reuters. Quetta. Праверана 13 March 2025.
  3. ↑ "Pakistan Train Hijack Update: BLA Militants Release Civilians, Keep 214 Military Personnel Hostage Aboard Jaffar Express; 30 Soldiers Killed"(англ.). English Jagran. March 11, 2025. Праверана March 11, 2025.
  4. ↑ а б Moshiri. Pakistan militants attack train carrying hundreds of passengers. BBC News (11 сакавіка 2025). Архівавана з першакрыніцы 11 March 2025. Праверана 11 March 2025.
  5. ↑ Baloch separatists attack train in Pak, warn passengers will be executed if... (англ.). India Today (11 сакавіка 2025). Праверана 11 March 2025.
  6. ↑ Akhtar, Aasim Sajjad (2007). "Balochistan versus Pakistan". Economic and Political Weekly. 42 (45/46). Economic and Political Weekly: 73–79. ISSN 0012-9976. JSTOR 40276835. Архівавана з арыгінала 26 April 2024. Праверана 11 March 2025.
  7. ↑ Kirmani, Nida (2024). "Resisting erasure: tweeting against enforced disappearances in Balochistan". Dialectical Anthropology. 48 (1): 21–37. doi:10.1007/s10624-024-09713-3. ISSN 0304-4092.
  8. ↑ Baloch separatists attack traders. BBC News (27 ліпеня 2009). Архівавана з першакрыніцы 17 May 2020. Праверана 11 March 2025.
  9. ↑ Balochistan Liberation Army. Mapping Militants. Архівавана з першакрыніцы 7 December 2024. Праверана 11 March 2025.
  10. ↑ Sattar. Pakistan's army says insurgents who attacked a passenger train killed 21 hostages while others freed. Associated Press (12 сакавіка 2025). Архівавана з першакрыніцы 12 March 2025. Праверана 12 March 2025.
  11. ↑ а б Pakistan says more than 300 hostages rescued from hijacked train. Al Jazeera (12 сакавіка 2025). Архівавана з першакрыніцы 12 March 2025. Праверана 12 March 2025.
  12. ↑ [2]
  13. ↑ Pakistan continues operation to free 250 hostages from hijacked train. Reuters (12 сакавіка 2025). Архівавана з першакрыніцы 12 March 2025. Праверана 12 March 2025.
  14. ↑ Packed passenger train in Pakistan attacked by Baloch separatists, possibly hijacked in bloody assault. CBS News (11 сакавіка 2025). Архівавана з першакрыніцы 11 March 2025. Праверана 11 March 2025.
  15. ↑ а б в Hussain. Gunmen hijack train in Pakistan's Balochistan, take hundreds hostage (англ.). Al Jazeera. Архівавана з першакрыніцы 13 March 2025. Праверана 11 March 2025.
  16. ↑ "Rescue operation for hostages underway after terrorists attack train in Balochistan: state media". Dawn. 11 March 2025. Праверана 11 March 2025.
  17. ↑ Yusufzai. Pakistan rescues remaining hostages after separatist militants kill 100 people in train hijack. NBC News (12 сакавіка 2025). Архівавана з першакрыніцы 12 March 2025. Праверана 12 March 2025.
  18. ↑ 'We fought until our bullets ran out' (англ.). The Express Tribune (13 сакавіка 2025). Праверана 13 сакавіка 2025.
  19. ↑ Saifi. 'Things took a darker turn': Survivors recall horror of deadly Pakistan train siege. CNN (13 сакавіка 2025). Архівавана з першакрыніцы 13 March 2025. Праверана 13 March 2025.
  20. ↑ Pakistan rescues remaining hostages after separatist militants kill 100 people in train hijack. NBC News (12 сакавіка 2025). Архівавана з першакрыніцы 12 March 2025. Праверана 12 March 2025.
  21. ↑ Akhter, Saadullah. 'A rain of rockets and bullets': Survivors of Pakistan's train hijacking. Al Jazeera (12 сакавіка 2025). Архівавана з першакрыніцы 12 March 2025. Праверана 12 March 2025.
  22. ↑ а б Pakistan's security crisis deepens as militants hijack train, take hostages. Washington Post (12 сакавіка 2025). Архівавана з першакрыніцы 12 March 2025. Праверана 12 March 2025.
  23. ↑ "Survivors recall horrific Jaffar Express attack"(англ.). ARY News. March 12, 2025. Праверана March 13, 2025.
  24. ↑ ur-Rehman. Separatists Hijack Train Carrying Over 400 Passengers in Pakistan. The New York Times (11 сакавіка 2025). Архівавана з першакрыніцы 12 March 2025. Праверана 12 March 2025.
  25. ↑ Hasnain. All trains to and from Balochistan suspended. Dawn (12 сакавіка 2025). Архівавана з першакрыніцы 13 March 2025. Праверана 13 March 2025.
  26. ↑ Pakistan train hijack: Militants threaten to 'execute' hostages; over 400 onboard. Hindustan Times (11 сакавіка 2025). Праверана 11 March 2025.
  27. ↑ Khan. Pakistan: Militants hijack passenger train, take hostages, officials say (англ.). CNN (11 сакавіка 2025). Праверана 11 March 2025.
  28. ↑ Hussain, Abid (14 March 2025). "Pakistan links train hijacking to 'Afghan handlers' and Indian mastermind". Al Jazeera(англ.). Архівавана з арыгінала 14 March 2025. Праверана 14 March 2025.
  29. ↑ Pakistan train hijack: Militants threaten to 'execute' hostages; over 400 onboard. Hindustan Times (11 сакавіка 2025). Праверана 11 March 2025.
  30. ↑ Pakistan: Militants hijack passenger train, take hostages, officials say (англ.). CNN (11 сакавіка 2025). Праверана 11 March 2025.
  31. ↑ WATCH: Security Forces Rescue 104 Passengers from Hijacked Jaffar Express; Operation Ongoing (англ.). Markhor Times (11 сакавіка 2025). Праверана 11 March 2025.
  32. ↑ 104 rescued, 22 terrorists killed as operation underway to secure all Jaffar Express train passengers (англ.). Pakistan Today (12 сакавіка 2025). Праверана 11 March 2025.
  33. ↑ Security forces race to rescue Jaffar Express hostages in Balochistan (англ.). Dawn (12 сакавіка 2025).
  34. ↑ Screaming, firing, blast: Survivor recounts Pakistan train hijack(нявызн.). India Today (12 сакавіка 2025).
  35. ↑ а б [3]
  36. ↑ Pakistan Train Hijack LIVE Updates: '27 terrorists killed, 155 hostages freed,' says Pakistan on BLA train hijack (англ.). The Times of India (11 сакавіка 2025). Праверана March 12, 2025.
  37. ↑ "President condemns terrorist attack on Jaffar Express in Balochistan"(англ.). ARY News. 11 March 2025. Праверана 11 March 2025.
  38. ↑ Jaffer Express driver returns safe. The Express Tribune (13 сакавіка 2025). Архівавана з першакрыніцы 13 March 2025. Праверана 13 March 2025.
  39. ↑ а б Pakistan PM Shehbaz Sharif visits Balochistan after train hijack. Deccan Herald. Архівавана з першакрыніцы 13 March 2025. Праверана 13 March 2025.
  40. ↑ Railway security tightened across Pakistan. The Express Tribune (13 сакавіка 2025). Архівавана з першакрыніцы 13 March 2025. Праверана 13 March 2025.
  41. ↑ а б Leaders condemn assault on train passengers. The Express Tribune (12 сакавіка 2025). Архівавана з першакрыніцы 13 March 2025. Праверана 13 March 2025.
  42. ↑ Governor condemns train attack. The News International (13 сакавіка 2025). Архівавана з першакрыніцы 12 March 2025. Праверана 12 March 2025.
  43. ↑ Asad Qaiser expresses concerns over law and order situation in Balochistan and KP. 24 Digital (12 сакавіка 2025). Архівавана з першакрыніцы 12 March 2025. Праверана 12 March 2025.
  44. ↑ "PPP condemns barbaric attack on Jaffar Express"(англ.). Business Recorder. 12 March 2025. Праверана 12 March 2025.
  45. ↑ Jonko. 'Held Breath Through Firing': Passengers Describe Pakistan Train Hijack Scenes. NDTV World (12 сакавіка 2025). Архівавана з першакрыніцы 12 March 2025. Праверана 12 March 2025.
  46. ↑ Railways Minister terms Jaffar Express attack a conspiracy. 24 Digital (12 сакавіка 2025). Архівавана з першакрыніцы 13 March 2025. Праверана 13 March 2025.
  47. ↑ Pakistan's Foreign Office Accuses India Of Being Behind Balochistan Train Hijack. ABP News (13 сакавіка 2025). Архівавана з першакрыніцы 13 March 2025. Праверана 13 March 2025.
  48. ↑ Passengers describe 'doomsday scenes' on hijacked train. BBC (12 сакавіка 2025).
  49. ↑ Australia Condemns Jaffar Express Attack, Stands with Pakistan. Daily Islamabad Post (13 сакавіка 2025). Архівавана з першакрыніцы 13 March 2025. Праверана 13 March 2025.
  50. ↑ Mammadov. Azerbaijani MFA expresses condolences to Pakistan. Trend News Agency (12 сакавіка 2025). Архівавана з першакрыніцы 13 March 2025. Праверана 13 March 2025.
  51. ↑ а б в Gokmen. World condemns deadly Pakistan train hijacking. Anadolu Agency (12 сакавіка 2025). Архівавана з першакрыніцы 12 March 2025. Праверана 12 March 2025.
  52. ↑ а б в г Worldwide condemnation on Jaffar Express incident keeps pouring in. 24 Digital (12 сакавіка 2025). Архівавана з першакрыніцы 13 March 2025. Праверана 13 March 2025.
  53. ↑ Banerjee. Pakistan Train Hijack: Army Confirms End Of Operation Against Baloch Militants After Daylong Standoff. News18 (12 сакавіка 2025). Архівавана з першакрыніцы 12 March 2025. Праверана 13 March 2025.
  54. ↑ Türkiye condemns terror attack on passenger train in Pakistan. Türkiye Today (12 сакавіка 2025). Архівавана з першакрыніцы 13 March 2025. Праверана 13 March 2025.
  55. ↑ UAE condemns attack on train in Pakistan. Dubai Eye 103.8 (13 сакавіка 2025). Архівавана з першакрыніцы 13 March 2025. Праверана 13 March 2025.
Узята з "https://be.wikipedia.org/w/index.php?title=Захоп_цягніка_Jaffar_Express_(2025)&oldid=4971784"