Эдуард Іосіфавіч Збароўскі
| Эдуард Іосіфавіч Збароўскі | |
|---|---|
| Дата нараджэння | 1 студзеня 1938[1] (86 гадоў) |
| Месца нараджэння | |
| Род дзейнасці | навуковец, урач, выкладчык універсітэта, медыцынскі адміністратар |
| Навуковая сфера | медыцына, сацыялогія і кардыялогія |
| Месца працы | |
| Навуковая ступень | доктар медыцынскіх навук |
| Навуковае званне | |
| Альма-матар | |
Эдуард Іосіфавіч Збароўскі — выкладчык, доктар медыцынскіх навук, прафесар кардыялогіі, акадэмік Міжнароднай акадэміі энергаінфармацыйных навук. Аўтар прац па прафілактычнай кардыялогіі, рэабіліталогіі і медыка-сацыяльнай ахове чалавека, у тым ліку 8 манаграфій, шэрагу брашур, 8 вынаходак, частка сумесна з супрацоўнікамі БДУ.
Біяграфія[правіць | правіць зыходнік]
Нарадзіўся 1 студзеня 1938 года ў в. Ліхаўня Нараўлянскага раёна сучаснай Гомельскай вобласці. З адзнакай скончыў лячэбны факультэт Мінскага дзяржаўнага медыцынскага інстытута (сучасны Беларускі дзяржаўны медыцынскі ўніверсітэт) у 1967 годзе. Пасля заканчэння дзесяць год працаваў у МДМІ — спачатку ў якасці малодшага навуковага супрацоўніка, потым урача-кардыёлага і, нарэшце, навуковага супрацоўніка кафедры факультэцкай тэрапіі МДМІ. У 1971 годзе стаў старшым навуковым супрацоўнікам, загадчыкам навукова-даследчай лабараторыі кібернетычных метадаў дыягностыкі і біякіравання МДМІ, на базе якой у 1977 годзе ім была арганізавана першая ў Рэспубліцы Беларусь установа па прафілактыцы сардэчна-сасудзістых захворванняў (БелНДІ кардыялогіі).
У 1972 г. атрымаў званне кандыдата навук, паспяхова абараніўшы дысертацыю на тэму: «Метадычныя аспекты ацэнкі пругкіх уласцівасцяў артэрыяльных сасудаў пры гіпертанічнай хваробе і атэрасклерозе», а ў 1984 г. — званне доктара медыцынскіх навук з дысертацыяй на тэму: «Распаўсюджанасць і метадычныя аспекты першаснай прафілактыкі ішэмічнай хваробы сэрца ў папуляцыі мужчын з улікам індывідуальных (канстытуцыяльных) асаблівасцяў арганізма». У 1986—1998 гг. займаў пост дырэктара БелНДІ экспертызы працаздольнасці і арганізацыі працы інвалідаў (БелНДІЭПІ, сучаснага Рэспубліканскага навукова-практычнага цэнтра медыцынскай экспертызы і рэабілітацыі). Кіраваў Рэспубліканскімі навукова-тэхнічнымі праграмамі па рэабілітацыі інвалідаў у 1991—1998 гг.
З 1999 г. з’яўляецца прафесарам Дзяржаўнага інстытута кіраўніцтва і сацыяльных тэхналогій (ДІКСТ) БДУ[2]. У тым жа годзе ім была арганізавана і ўзначалена кафедра сацыяльнай работы ДІКСТ БДУ[2].
Сям’я[правіць | правіць зыходнік]
Са сваёй жонкай — Людмілай Сцяпанаўнай — Эдуард Збароўскі пазнаёміўся яшчэ падчас вучобы ў МДМІ, на першым курсе. Калі былі студэнтамі, яны праводзілі эксперыменты па даследаванню страўнікавага соку. Пазней, адгаварыўшы яе паступаць у аспірантуру, залажыў аснову дужай сям’і медыцынскіх супрацоўнікаў. Дзеці і некаторыя ўнукі Збароўскіх заняты ў сферы медыцыны: сын Канстанцін — загадчык кафедры рэабіліталогіі Дзяржаўнага інстытута кіравання і сацыяльных тэхналогій БДУ, дачка Таццяна працуе афтальмолагам, а ўнук Дзмітрый ─ у РНПЦ дзіцячай анкалогіі, гематалогіі і імуналогіі.
Навуковая дзейнасць[правіць | правіць зыходнік]
Работа прафесара накіравана на прафілактыку і папярэджанне сардэчна-сасудзістых і іншых неінфекцыйных захворванняў, дэфектаў здароўя, цяжкасці інваліднасці, развіццё тэхналогій медыцынскай і сацыяльнай аховы ліц, якія вядуць грамадска абмежаваны вобраз жыцця з прычыны прыроджаных дэфектаў, перанесеных захворванняў і траўм. Пад яго навуковым кіраўніцтвам распрацавана і ажыццёўлена першая ў рэспубліцы навукова-тэхнічная праграма для падтрымкі такіх людзей — «Рэабілітацыя» (1991—1995), праведзен кантроль стану здароўя механізатараў роднага раёна ў першыя некалькі гадоў пасля аварыі на ЧАЭС.
Навуковыя інтарэсы[правіць | правіць зыходнік]
- Медыка-сацыяльная прафілактыка сардэчна-сасудзістых і іншых неінфекцыйных захворванняў
- Інваліднасць у грамадстве
- Грамадзянская ахова людзей з абмежаваннямі жыццядзейнасці і сацыяльнай недастатковасцю
- Сацыяльныя дэтэрмінанты здароўя, фактары рызыкі захворванняў у практыцы грамадскай працы
- Уплыў канстытуцыі і тэмперамента чалавека на яго здароўе
- Генеалогія ў якасці стратэгіі сацыяльнай аховы
Выкладаемыя дысцыпліны[правіць | правіць зыходнік]
- Увядзенне ў спецыяльнасць
- Медыка-сацыяльныя асновы здароўя
- Этыка сацыяльнай работы
Грамадзянская дзейнасць[правіць | правіць зыходнік]
З’яўляецца галоўным спецыялістам Міністэрства аховы здароўя Рэспублікі Беларусь па Агульнанацыянальнай праграме інтэграванай прафілактыкі неінфекцыйных захворванняў (СІНДІ), каардынуемай СААЗ. Пасля таго як быў прызначаны на пост дырэктара НДІ экспертызы працаздольнасці і арганізацыі працы інвалідаў, прыкладаў усе намаганні да переасэнсавання практыкі рэабілітацыі, каб укласці ў гэта паняцце не толькі лячэнне, але і дапамогу людзям з абмежаванымі магчымасцямі з інтэграцыяй у грамадства і пошукам працоўнага месца. Ініцыяваў і ўдзельнічаў у распрацоўцы першых рэспубліканскіх законаў аб сацыяльнай ахове інвалідаў (прыняты ў 1991[3] г. і 1994[4] г.) і дзяржаўнай праграмы Рэспублікі Беларусь па іх рэалізацыі. Распрацаваў стратэгію медыка-сацыяльнай аховы насельніцтва, зрабіў яе базай арыенціры хрысціянскай маралі, генеалогію, сацыявіталогію. Вынікі працы былі выкладзены ім у цыкле работ «Этика здоровья». З’яўляецца членам Міжведамаснага савета па праблемах інвалідаў пры Савеце Міністраў Рэспублікі Беларусь, старшынёй Міждзяржаўнага каардынацыйнага савета па прафілактыцы неінфекцыйных захворванняў пры Савеце па супрацоўніцтву ў галіне аховы здароўя СНД, членам Беларускай асацыяціі сацыяльных працаўнікоў.
Ушанаванне[правіць | правіць зыходнік]
Імя і фатаграфія Эдуарда Збароўскага ў Нароўлі былі размешчаны на пастаменце з таблічкай у Алеі Славы нараўлянцаў[5].
Асноўныя публікацыі[правіць | правіць зыходнік]
- Зборовский Э. И., Сидоренко Г. И. Как уберечь себя от гипертонической болезни. Минск, 1989.
- Зборовский Э. И., Гракович А. А., Козлов И. Д., Апанасевич В. В. Возможности оценки и снижения риска неинфекционных заболеваний. Минск, 2000.
Зноскі
- ↑ Зборовский Эдуард Иосифович // https://www.biografija.ru/biography/zborovskij-eduard-iosifovich.htm
- ↑ а б Зборовский Эдуард Иосифович — БЕЛОРУССКАЯ АССОЦИАЦИЯ СОЦИАЛЬНЫХ РАБОТНИКОВ. Архівавана з першакрыніцы 13 красавіка 2019. Праверана 18 лютага 2024.
- ↑ «О социальной защите инвалидов в Республике Беларусь» Архівавана 9 жніўня 2017.
- ↑ «О предупреждении инвалидности и реабилитации инвалидов» Архівавана 9 жніўня 2017.
- ↑ Аллея Славы(недаступная спасылка). Архівавана з першакрыніцы 27 чэрвеня 2022. Праверана 27 чэрвеня 2022.
Літаратура[правіць | правіць зыходнік]
- Зборовский, Эдуард Иосифович // Энциклопедия Республика Беларусь. Т. 3. — Минск: «Беларуская энцыклапедыя», 2006. — С. 638.
- Профессора и доктора наук Белорусского государственного университета. — Минск: БГУ, 2001.
Спасылкі[правіць | правіць зыходнік]
- Электронная бібліятэка БДУ Архівавана 24 ліпеня 2017.
- Уласная старонка на сайце ДІКСТ БДУ Архівавана 10 жніўня 2017.
- Уласная старонка на сайце Беларускай асацыяцыі сацыяльных супрацоўнікаў
- Артыкул у газеце Медицинский вестник Архівавана 1 верасня 2017.
- Артыкул у Рэспубліканскай штотыднёвай газеце «Вместе»